ZEGAR HAW IPURÀG WERA'U MA'E8gub_wbt

1Aze mo ereiko hekywyr romo, ikatu mo ihewe.Aze mo hehy nemukamu mo.A'e mehe aze mo uruàwàxi mo nahu rupi ihe,apuner mo nezurupyter haw rehe ihe. Ni amo na'ipytuhegatu iwer mo zanerexak mehe wà.2Urueraha mo hehy hàpuz me.Hemu'e pe mo.Amono mo win inuromo har inuromo newe.Amono mo win homà tykwer newe no.3Eremono mo nepo ahurehe har heàkàg iwype.Heàzuwàn pe mo nepo awyze har pupe.4Kuzà Zeruzarez pe har wà, pemume'u ko ma'e ihewe nehe.— Nuruzapo kwaw ma'e pemupytu'u kar pà pezeamutar katu re nehe, peze nehe.

Zegar haw 6 haw

5Mo ur waiko ywyxiguhu wi a'e wà.Upyhyk hemiamutar katu izywa uzywa pupe a'e.KuzàMàxà 'yw iwy pe urumume'e kar ihe.A'e pe, nezexak kar awer pe. Nehy nemuzexak kar a'e pe a'e.6Emuapyk herer nepy'a pe nehe.Emuapyk herer nekwà ku'aw har rehe nehe no.Puramutar katu haw ikàg màno haw ài.Puruputar haw ikàg tywypaw ài.Puramutar haw a'e, puruputar haw a'e no, opok tata heny haw inuromo a'e wà.Ukaz tata uhua'u ma'e ài wà.7'Y tetea'u nupuner kwaw imuwew kar haw rehe.Puramutar katu haw nuzawy kwaw a'e tata.Ni amo yrykawhu nupuner kwaw imuwew kar haw rehe.Aze mo amo ipurume'eg wer mo puruamutar katu haw rehe, aze mo umume'u mo wemetarer paw hekuzaromo,xo puruamutar 'ymaw zo upyhyk mo.8Heta zanereinyr ihya'u 'ym ma'e zanewe.Ma'e xiapo putar izupe nehe,aze amo kwàkwàmo izemuwete wer hehe nehe.9Aze mo pàrirogawtàtà ma'e romo hekon,xipyro mo tàpuzaiha parat iapo pyrer pupe.Aze mo uken romo hekon,ximukàg mo imukàgaw ywyràkàxigyw iapo pyrer pupe.10Aiko pàrirogawtàtà romo ihe.Hekàm wiko tàpuzaiha pàrirogawtàtà rehe uzekaiw ma'e romo wà.A'e rupi heremiamutar katu ukwaw katu ko ma'e a'e.Ni amo nuzapo kwaw ikatu 'ym ma'e ihewe wà nehe. Ipyro katu pyr romo aiko.
11Xàrumàw wereko amo uwà tywMa'aw-Amon tawhu pe.Wexaexak uma'ereko ma'e wà, hehe wamuzekaiw kar pà wà.— Emur miw temetarer tàtà parat iapo pyrer ihewe nehe, i'i wanupe pitàitàigatu.12Ihe areko uwà tyw ihe no.Azapo heremimutar izupe.Xàrumàw, ezur miw neremetarer tàtà ipyhyk pà nehe.Uma'ereko ma'e wà, pezur 200 temetarer tàtà ipyhyk pà nehe, pema'ereko awer hekuzaromo nehe.13Heremiamutar katu, herehe we har ipurenu wer nerehe wà.Hepurenu wer nerehe neze'eg mehe hema'etymaw pupe ihe no.14Ezur na'arewahy nehe, heremiamutar katu.Ezàn arapuha kazer ài nehe,àràpuhàrànete hehaite ma'e kor ma'e ài nehe.Opoopor ywytyr hyàkwegatu ma'e i'aromo a'e.Upaw kwez kury.
expand_more
Search