Solomone Mazmure Maxaafa8gof_ltw

1Ne taw ta aaye dhanthi dhammidata isha gididaako aybe!Ta nena ogen demmada yeeridaako,tana oonika borennashin.2Taani nena kaalethada,tana tamaarsida ta aaye soo gelsarkinashin.Mal7iya Oromaane gum7ethaannelo77iya woyne ushsha ta nena yan ushsharkina.3Tana ne haddirsa kushey borkotisees,ne ushacha kushey tana qoommes.4Hinteno, Yerusalaame geela7oto,ta siiqoy ba wode dendana gakanaw,koyrottidi hinte iya denthonaada hadara gayis.

Yerusalaame Geela7ota

5Ba siiquwa hashen zempada,mela biittafe yaara hanna oonee?Geela7iw
Beni ne aayiya nena iqetada yelida,apile mithaa garsan ne zin7idashin,nena ta barkisas.6Merina siiquwan tana ne wozanan attama;ne qesiyan maatameda ta xalaala oyka.Siiqoy hayqo mela mino;qanaatey si7oole mela iita;iya lacoy Xoossaa tama laco mela.7Daro haathi siiqo tama toysanaw danda7enna;di7oyka meeccidi efanaw danda7enna.Asi siiqo shammanaw baw de7iya ubbaa immikoka,siiqoy miishen shametonna gisho, asi iya kadhees.

Geela7e Ishata

8Dhanthi tiran uttiboona micha nuus de7awusu;azini iyo oychiko, nu iw ay oothanee?9Iya gimbe dirsi gidiyako,nuuni I bolla adussa bira gimbe gimbana;iya dirsa penge gidiyako ziga ibithe medhana.

Geela7iw

10Taani dirsa gimbe;ta dhanthay gimbe bolla de7iya shako mela;taani ta siiquwara de7iya wode I tanan ufaytees.11Solomones Ba7aal-Hamoonan woyne gadey de7ees;he woyne gadiya une ootheysatas immis.Kera ekidaysati ayfiya gisho,issoy issoy mukulu bira iyaw ehoosona.12Shin taw ta buzo woyne gadey de7ees;Solomone, neeni mukulu bira eka;une ekidi ootheysati nam7u xeetu bira eko.

Panthaa

13Neno, atakiltiya giddon de7iya ta siiqe,ne laggeti ne qaala si7anaw koyoosona;ne qaala tanaka sissa.

Geela7iw

14Ta siiquwaw, taako elle ya!shitto maatay doliya dereta bollara,gupiya gen7e woyko woshi7e marada hana.
expand_more
Search