1Ne taw allaga gidennaan ta daayi d'antsaa d'ammeedda ta ishaa gidaarikkiishsha!Yaatintto taani neena ogiyaan demmaade shiishsha akka yerina,taana ooninne borennashin.2Taana tamaarisseedda ta daay golle taani neena kaaletsaade,ta daayi k'ol"o gelissa aginaa,hewan taana ne siik'uwaabaa tamaarisseeddawaa gidaarikkii;roomaaniyaa gum"eedda mal"iyaawaa,lo"iyaa woyniyaa eessaa taani neena hewan ushshaarikkitaa.3Taana hewan ne haddirssa k'eesiyaa borkkotissaade,ne ushechcha kushiyan taana k'oommeeddawaa gidaarikkii.4Hinttenoo Yerusaalame wodoratoo,Siik'uu bare wodiyaan denddanaw, k'aasetsi dentsetsennaadan,ta hinttew hadaraa gay yaagaaddu.
Siik'uwaa Sabaa
5Bare siik'uwaa hashiyaan zemppaade,bazzuwaappe yiyaana hanna oonee? yaageeddino.Wodoratta:Beni ne aata neena bannikka yeleedda,appiliyaa lank'k'iyaan ne gisa de'ishshin,neena ta k'aaseretsaade dentsaad.6Med'inaa siik'uwaan taana ne wozanaa bolla attama;ne k'esiyankka maatafaadan, ta s'alalaa oyk'k'a.Ayaw gooppe, siik'uu hayk'k'uwaa mala mina;mishuukka duufuwaa mala mek'etsaa iita;Aa lac'uukka S'oossaa tamaa lac'uwaa mala.7Haatsaa daruu siik'uwaa tamaa toyissanaw danddayenna;di'uukka meec'c'iide afanaw danddayenna.Asay siik'uwaa shammanaw barew de'iyaa ak'uwaa ubbaa immooppekka,siik'uu shaluwaan shamettenna diraw,asay hewaa kad'ee yaagaaddu.8Nuw tiraan d'antsay uttibeenna michchata de'aw;asinay izo oochchooppe, nuuni iw ootsanawe ayee?9Iza gimbbiyaa dirssaa gidintto, nuuni I bolla wochchiyaa adussa,biraa gimbbiyaa gimbbana; Aa dirssaa pengge gidintto,zigaa sank'k'aan izo doodissana yaageeddino.10Hekko taani dirssaa gimbbiyaa;ta d'antsaykka gimbbiyaa bolla gimbbetteedda wochchiyaa saa;hewaa diraw, taani ta siik'uwaanna de'iyaa wode, I taanan nashettee.11Solomonew Ba'aali-Hamoonan woynnii toketteedda shoyk'ay de'ee;he woyniyaa gidduwaa ootsiyaawanttoo keraa immeedda.Keraa akkeedawanttu teeran go'etteeddawaa diraw,huup'iyaan huup'iyaan sha"u biraa aw ahiino.12Shin taw ta buzo woynnii toketteedda shoyk'ay de'ee;Solomona, neeni sha"u biraa akka;ataakilttiyaa ootsiyaawanttu laa"u s'eetu biraa akkino yaagaaddu.13Neenoo, ataakilttiyaa giddon de'iyaa ta siik'k'atee,ne kooshshaa laggetuwaa sissanaw koyiino;ne kooshshaa taana sisa yaageedda.14Ta siik'ow, taakko ellekka haaya!Sawiyaa maatay mokkiyaa deretuwaa bollaanna,guppiyaa gen"iyaa woy doggiyaa maratuwaa malataade yaagaaddu.