Kwikari7hch_wb2
1'Uka ti'aitame pemunu'aya witsipemɨti'ɨimari,witsipɨtiyuxexeiya 'a'ɨkate kakaitsie heutawetɨkaitɨ.Witsipemanupe, nakɨtsa hepaɨ pɨ'ane'aixɨa reutamaiwetɨ mitiwewiwa hepaɨ.2'Axɨtemutsi tekɨxi hepaɨ pɨ'anewinu witsi'anetɨ mɨhɨne hepaɨ pɨ'ane.'Ahuka tɨriku hɨriyari hepaɨ pɨ'anewaritana tuturi 'atsutsena mahane.3'Atsitsi maxatsi tɨɨrixi yuhutatɨ wahepaɨ mepɨteyuxexeiya,maxa 'ɨimari yuhutame yuniwema muwarayexeiya hepaɨ.4'Akɨipi tuxiyu mutuxa mɨtse'i kanihɨkɨtɨni,'Ahɨxite huta haixayari pɨhɨkɨ Hetsiwuni mieme,Wati-Xawini kitenie 'aurie mɨtineniere.'Atsuri Riwanu tuxiyuyari hepaɨ pɨ'ane,Ramatsiku meutaniere.5'Amu'u waɨkawa pahekɨa Kaximeru hɨriyari kɨtsie mieme hepaɨ.Hiru mɨyɨtsikimawi hepaɨ pɨ'anene 'akɨpate,'etsiwa tsiturawime pehewawɨtɨatɨ ti'aitame kwi pɨmatsixeiya 'aumɨ.6Yemekɨ kwinie pepɨti'ɨimari, 'uka nemɨmatsinaki'erie,'ukaratsi witsipemɨtiuka'iyari pepɨhɨkɨ.7Kwinie peputewi takɨ 'amɨtɨtɨ hepaɨ,meta 'atsitsi huta takariyarieya pɨhɨkɨ.8Ne mɨpaɨ nepɨtiuyɨhɨawixɨ: «Nekananutimakimɨkɨ takɨ 'amutewitsie,takariyari nepiini netinayeitɨamɨkɨ».'Atsitsi kaxie takari hepaɨ ke'aneneni,manitsana hepaɨ peke'ɨ'ɨaka,9winu witsima'ane hepaɨ keha'aneni 'ateni.'Uka mɨnaki'eriwaWinu witsima'ane 'uki neminaki'erie hetsɨa keye'ani,tenieyatsie ke'utayani meta tameteyatsie.10Ne 'uki neminaki'erie hetsiemieme nepɨhɨkɨ,kanenikuwauneni waɨkawa netsihaunaki'erietɨ.11Niwa kenaye'a, 'uki nemɨmatsinaki'erie,yeuta tekaniyehuni,muwa yɨwikɨta tepeka'iyunieni tuturite yeutamieme tsata.12Ximeri paitɨ tepeuhu kaxie haraweriyari tsata,tepeunieriyu kaxie kareyɨyɨrari,Xɨkari tuturiyari hetixutuweni,xɨka 'ikwaxi mayehatsiyatɨka hexutukari.Mana nekameneyetuiriemɨkɨ nenaki'eriya.13Manirakura witsimu'ɨa kanitawiwiwani,meta naitɨ takitenie katinapika'ikwaxi witsimɨ'anene hikɨketimiememeta 'aikɨ paitɨ timieme,nekametini'utsirieka 'ahetsietimieme 'uki nemɨmatsinaki'erie.