Kwikari6hch_wb2
1¿Kekuta reuyunixɨ 'uki peminaki'erie,'uka yemekɨ witsipemɨti'ɨimari?¿Hakewa kuta petɨa?'Ahamatɨa te'uhutɨ tepiwauyu.2'Uki neminaki'erie kaneyani yuharawerita,waritsamu muye'etsietsie,muwa mɨtiwaikakɨ,tuturi 'atsutsena tipinike.3Ne 'uki neminaki'erie hetsiemieme nekanihɨkɨtɨni,'uki neminaki'erie nehetsieta kanimiemetɨni,Mɨkɨ yumuxatsima tuturi 'atsutsena tsata kaniwarutihɨweni.4'Ekɨ 'uka nemɨmatsinaki'erie, witsipepɨti'ɨimari kiekari Tiritsa hepaɨ,witsipe'anetɨ kiekari Kerutsareme hepaɨ,pemɨmariwe xurawetsixi wahepaɨ.5Kwi pepɨkanetsixeiyaniri,nepeɨxɨyarie 'ahɨxite netsixeiyakaku.'Akɨpate tsipuri xeitewayari wahepaɨ pɨtiyuxexeiyamemuyuhayatɨwe Karaha hɨriyaritsie.6'Atamete tsipuri 'ukari tɨɨrixi wahepaɨ pɨ'anenehekwamekɨ memuti'ɨwaxɨ.Yuxexuitɨ mɨkɨ mepuyuhuhuta,xewitɨ yuxaɨta pɨka'uyeika.7'A'aurite pemeuyukunama waritamanitsana hepaɨ pɨtiyuxexeiya.8Tsepa haika tewiyari 'ukari te'aitamete wa'ɨitama memakɨne,tsepa nauka tewiyari 'ukari memɨhɨkɨ ti'aitame hutarieka 'ɨitamamatsepa mekate'inɨaritɨ 'ukari 'ɨimarixi,9peru xewitɨ hɨkɨa xeikɨa kanihɨkutɨni nekukuru 'etsimupe witsimɨti'ɨimari,'uka kwinie maamaya mɨtinaki'erie,'aixɨa mɨtixeiya mitiniwexɨ.Hipatɨ 'ukari kepauka memixeiya 'aixɨa mepɨtehehɨawe,'ukari te'aitamete wa'ɨitama witsimemɨ'anene metahipatɨ 'ukarawetsixi ti'aitame hutarieka 'ɨitamama mekaninɨawani.10¿Kemɨ'ane 'ikɨ pɨyɨane witsi'anetɨ tau 'ɨrɨya hepaɨ?Witsikani'aneni metsa hepaɨ,xawatɨtɨ tau hepaɨ,mariwetɨ xurawetsixi muyuawitsie memeukatei wahepaɨ.11Nekaneyani kariu haraweriyari muyemanemɨtixeiyakɨ hekwamekɨ mayeweritsie mɨtiyɨyɨra,ne'ixeiyamɨtɨ kaxie mɨyɨyɨra,meta manitsana kɨyeyariteyari muxutu.12'Atsinekareyutimaiwekaku, netemawierikakɨ kauka kaxetatsie nenekaya,takiekaritsie ti'aitame kaxetayatsie.13Keneukunua, 'uka Tsurami kiekame keneukunua,keneukunua tahamatɨa keneuyeikani,tepɨmatsiheuxeiyaku.'Uki mɨnaki'eriwa¿Titayarikuta 'uka Tsunami kiekame xeteheuxeiyaku,neiya hutakɨa yu'utɨma mehewetɨkaikaku miemetsie hepaɨ?