Read ቢያፓ ባሼ ዓይኑሞ 5

ቢያፓ ባሼ ዓይኑሞ5mdy_twf

¹ታኣኮ ናሽኪንታ ዑኡቴሌ!ሃይሾ ታኣኒ ታኣኮ ዱማ ዱማ ባኮ ቱኮና ጎዦ ጋሮ ጌሌኔ፤ኬርቤንታ ዱማ ዱማ ሳውቃ ቡኖ ታኣኒ ማንፄኔ፤ዔኤዞ ፆሎሎ ሾፖና ዎላ ታኣኒ ሙዔኔ፤ዎይኖ ዑዦንታ ዲኢቆንታ ታኣኒ ዑሽኬኔ።ዑኡቴሎ ላጎንሢ ዓይኑሞኑ ላጎንሢዮቴ!ናሹሞ ዒንሢ ዒና ዓኣሣንዳያ ሄላንዳኣናሙይ፥ ዑሽኩዋቴ።

ዖይዳሳ ዓይኑሞ

²ታኣኒ ጊንዓዛ፥ ዒና ታኣኮ ጋዓንቴ ጴቺኬ፤ታ ዒሼ ሂዚ ጌይ ዔኤሊንታንቴ ታ ዋይዜኔ፤«ታኣኮ ናሽኪንታ ዑኡቴሌ!ሃይማ ፓጬኔ ጌይሳ ባኣዚ ባኣ ዶኦሌሌ!ሃዳራ ካሮ ታኣም ቡሌ፤ቶኦካ ታኣኮ ዖልካዼኔ፤ጋማኣ ታኣኮ ዋንታኣ ቃኣያሢና ዎዔኔ።»³ማኣዓሢ ታኣኮ ታኣኒ ኬሴኔ፤ማይ ጊንሣ ታኣኒ ማኣዖንዶ?ቶኮዋ ታኣኮ ታኣኒ ማስቴኔ፤ዓካሪ፥ ጊንሣ ዎዲ ፑርቲሶንዶይ?⁴ታ ዒሼ ፂኢኖናኩጮ ፔኤሲ ዳኬኔ፤ዒና ታኣኮ ዒዛ ጋይቴ ዱጴኔ።⁵ዬያሮ ታ ዒሾም ካሮ ቡላኒ ታኣኒ ዔቄኔ፤ካሮ ጎቺ ቡሎ ባኮ ታኣኒ ዓርቃዛኩጫ ታኣኮ ኬርቤ ፆዺሴኔ፤ኬኤላኣ ታኣኮ ዬያ ሌሊ ማዔኔ።⁶ታ ዒሾም ካሮ ታኣኒ ቡሌኔ፤ጋዓንቴ ታ ዒሼ ባኣሴ፥ ዴንዴኔ፤ዬያሮ ዒና ታኣኮ ኮሺ ዱጴኔ፤ሚርጌና ታ ኮዔኔ፥ ጋዓንቴ ዒዛ ዴንቃኒ ዳንዳዒባኣሴ፤ታ ዒዛ ዔኤሌኔ፥ ጋዓንቴ ዒ ታኣም ዬሂባኣሴ።⁷ካታሞ ሳዞ ሃንቲ ሃንቲ ካፓ ዓሳ ዒማና ታና ዴንቄኔ፤ዔያታ ታና ጳርቂ ማኣሳንሤኔ፤ኬኤሎ ዲፆ ዑፃ ዴዒ ካታሞ ካፓ ዓሳዖዶዞ ማኣዓሢ ታኣኮ ጉሲ ዔኬኔ።

⁸ዒንሢ ዬሩሳላሜ ዉዱራሢታ ዒሾ ዒንሢ ዴንቄያ ማዔቴታኣኒ ዒዛ ማሊፃፓ ዔቄያና ሃርጊንቴያታሢዒንሢ ዒዛም ኬኤዛንዳጉዲ ታ ሺኢቃኔ።

⁹ኔኤኒ ላኣሎ ቢያይዳፓ ሚዛጴሌ!ጎኔና ዒሼ ኔኤኮ ሃንጎ ዓሶይዳፓ ዱማዻ?ኔ ዒዛ ዛሎ ሃያይዲ ሃዳርሳሢ?ዒዚ ሜሌ ዓሶይዳፓ ዱማዻሢ ዓይጎናዳይ?

¹⁰ዒሼ ታኣኮ ኮሺ ሚዛጳያ ሃሣ ሃርጌ ባኣያኬ፤ታጶ ሺያ ዓቲንቄ ባኣካፓዒዛ ሄላያ ባኣሴ።¹¹ቶኦካ ዒዛኮ ጌኤሺ ዎርቄ ማላኔ፤ጋሞ ዒዛኮ ጋምፒ ማዦናያ ቁራኬጉዲ ካርታያኬ።¹²ዓኣፓ ዒዛኮ ዎርዚ ዓቺዳ ዓኣዑፆ ፔኤኮ ዲኢቂና ማስቴ ዶኦሌ ማላኔ።¹³ጋንጋሮ ሚዛጱማ ዒዛኮ ዱማ ዱማ ሳውቃ ዼኤሻባቃሊ ዓኣ ጎሺጉዲኬ።ሙሱራ ዒዛኮ ቃራ ሳውሞ ዓኣ ኬርቤ ጌይንታ ዼኤሾፆዺሳ ሚዛጶ ቡኖጉዲኬ።¹⁴ቃሳ ዒዛኮ ሚዛጶ ሹዎና ሚዛጲሶና ዎርቄ ኮኦሎጉዲኬ፤ዑፃ ዒዛኮ ሴንፔሬ ጌይንታ ሚዛጶ ሹዎና ሚዛጲሶና ዳርሲ ዓቺጉዲኬ።¹⁵ቶካ ዒዛኮ ዎርቄይዳ ዾቂንቴዒብኔቤሬዴ ጌይንታ ሹዎ ቱርቱሮ ማላኔ፤ማላሢ ዒዛኮ ሊባኖኦሴ ሚፆና ሚዛጲሶናሊባኖኦሴ ዹኮጉዲኬ።¹⁶ዻንጋ ዒዛኮ ዔኤሲጉዲ ዓኣፃያኬ፤ጉቤና ዒዚ ኮሺ ሚዛጳኔ፤ዒንሢ፥ ዬሩሳላሜ ዉዱራሢዮቴታኣኮ ዒሼ ያዺኬ፤ ታ ላጋሢያ ዒዛኬ።

ቢያፓ ባሼ ዓይኑሞ 5 / mdy_twf

ዖይዳሳ ዓይኑሞ

ቢያፓ ባሼ ዓይኑሞ5mdy_twf