A Kakailai I Lia5ksd_png

1Iau pot ta kaugu uma, taigu, kaugu taulai kalama;Iau tar ilipe kaugu bira na davai ma kaugu balsam;Iau tar mome kaugu polo na vuai na vain ma kaugu polo na u.Avat a ian, a umana talaigu,Avat a momo, maikir, avat a mome ta ngala, a umana vakak.

A kini varbaiai ia ra magit na niligur

2Iau ga va mat, ma ra balagu i ga tavangun;Ia ra nilai kaugu vakak ba i pipidil, ma i biti:Una papa are iau, taigu, kaugu valilingina, kaugu nat na uka, kaugu viviliai,Tago ra pepe na ulugu i pupuk ma ra mavoko,Ra ulugu i buibui ma ra vual na marum.3Iau ga tar vorodo vue kaugu olovoi, ta ra ava ina ule mule?Iau ga tar puk ra ura kaugu, ta ra ava ina vadur mule dir?4Kaugu vakak i ga varuk ra limana ta ra liplip na ubene marave ra matakilalat,Ma ra balagu i ga dadadar upi ia.5Iau ga tut pi ina papa are pa kaugu vakak;A ura limagu dir ga tua ma ra bira na davai,Ma ra umana kaka na limagu ma ra bira na davai i polo,Ari iau ga vatur ra alal bat ai ra matakilalat.6Iau ga papa are pa kaugu vakak,Ma kaugu vakak pa i ga ki, i ga tar vana.A balagu i ga mamat ba i ga tata.Iau ga tikan upi ia, ma pa iau ga tikan tadav ia;Iau ga oro upi ia, ma pa i ga bali iau.7Ra umana monamono, nina dia vana vurvurbit ta ra pia na pal, dia ga tadav iau.Dia ga kita iau, dia ga vakinkin iau;Ra umana tena balabalaure ta ra liplip na vat dia ga ra pa kaugu mal na tubatuba.
8Iau lul vovo pa avat a umana vavinaIerusalem, ba gala avat a tadav kaugu vakak,Avat a ve ba iau mait ma ra varmari.

A taulai kalama, a vavina, i pite pa ra taulai kalama, a tutana

9Ea, u a viviliai kakit ta ra vaden par,Kaum vakak i boina dave tai ta enana vakak?Kaum vakak dir enana varbaiai dave ma ta enana i vakak,Pi una lul vovo pa avet dari?
10Kaugu vakak i tavatavaliran, ma i kubar ra pakana,I lia vurakit ta ra vinun na arip na marmar;11Ra uluna i da ra goled i ngatngat;Ra pepe na uluna i da ra pupu ra pao. ma i korong da ra kotkot.12Ra ura kiau na matana dir da ra ura uka marave ra umana tava alir;Di tar puk dir ma ra polo na u, ma dir ki bulu.13A ura pagupagu na ngiene dir da ra uma na balsam, ma ra kinobot na pitilibung;A ura bul na ngiene dir da ra umana vaigoara nina dia tua ma ra bira na davai i polo.14A ura limana dir da ra umana domol i goled, nina ba di vapetep tar diat ma ra topas;Ra pal a pakana i da ra loko na elepant, nina ba di vapetep tar ra sapir tana.15A ura kauna dir da a ura pagapaga na bo na vat, nina ba dir ki taun ra ura kiki i goled ma i ngatngat;Ba di gire i da Lebanon, ma i boina da ra umana tagatagal.16Kana tinata i kalakalami, maikir, ia parika i mariringian kakit.Go iat kaugu vakak, go nina a talaigu, a umana vavina Ierusalem.
expand_more
Search