Read Salomↄↄ lɛ 5

Salomↄↄ lɛ5bqc_sim

¹Ma gɛ̃ ma kaau, ma nↄkpama báasɛ̃de,ma a zↄ̃go lí'ↄ gò ń pↄ́ gĩnanaↄ,ma a zↄsapuna blè ń a ío,ma a vɛ̃ɛ mì ń ma vĩo.Yelusalɛũ nɛnↄnaↄÀ pↄble gbɛ̃́ↄ,à imi à kã́ á bↄ̃̀nↄblenaↄ.²Málɛ i'o, ãma ma làasoo bɛ̃́ɛ,ma yenzide ma, àlɛ gbalɛ.KíaGba wɛ̃mɛɛ ma gbɛ̃na báasɛ̃de,ma felen sãasaide!Fíi kpà ma miwa,gwãasĩna mↄ̀sɛ ma mikã nìni.³Ma a ula bↄ̀, mí ɛa mà da lↄa?Ma gbá pìpi, i ɛa gbãsĩkpa lↄa?⁴Ma yenzide ↄgɛ̃̀ gbà fòou,ↄ̃ ma mɛ lɛ́ kɛ fèfe.⁵Ma fɛlɛ gɛ gbawɛ̃i ma yenzideɛ,ma ↄ lɛ́ yↄyↄ ń zↄ̃go lí'ↄ tulaleo,zↄ̃go lípi nísi lɛ́ bàalɛ ma ↄnɛↄwa,à fĩ̀ gbatabↄwa.⁶Ma gbawɛ̃̀ ma yenzideɛ,ãma à gɛ̃̀zɛa à tà kↄ̀.Kɛ́ àlɛ yã'o, aà ni ma kũ.Ma aà wɛ̀ɛlɛ, mi aà eo,ma lɛzùzuaàzi, i weao.⁷Gudↄ̃anaↄ bↄ̀a,kɛ́ aalɛ bɛbɛ wɛ̃́lɛ guu.Aa ma gbɛ̃ aa ma wiwi,bĩ́idↄ̃anapiↄ ma pↄlↄgãu wòlomala.⁸Yelusalɛũ nɛnↄnaↄ,tó a ma yenzide è,á oɛ̀ kpelewa ni?Ma naɛ́ Luazi à oɛ̀mɛɛ,ma yeaaàzi ma mɛ bùsa.⁹Bↄ́ n yenzide dɛò dãↄlai?N gbɛ̃́ pↄ́ ń kɛfɛũ dɛ nↄɛↄla píi,bↄ́ n yenzide dɛò dãↄlaↄ̃ n gbasa n nawɛ̃ɛ Luazi màai?¹⁰Ma yenzide tɛ̃a pípia,gbɛ̃ↄn ↄ̀aasↄsↄo lɛɛ kwiↄ guu ↄ̃mɛ vua ũ.¹¹Aà miá vua tɛ̃ɛtɛ̃ɛɛ,aà mikã dɛ sí plɛ̀ɛɛlán gbagbaa kã́wa.¹²Aà wɛ́ dɛ lán felen pɛ́lɛa íuwa,aà wɛ́pi pípia ń vĩo, mɛ́ a sàlala.¹³Aà gɛɛ dɛ lán pↄ́ gĩnanaↄ buawa,a gĩdↄ nanannↄ.Aà lɛ́baa dɛ lán lávuwa,àlɛ yↄyↄ ń zↄ̃go lí nísio.¹⁴Aà ↄ dɛ lán vua lipↄ̃ↄↄ pↄ́ diamaa dadauwa,aà gbɛɛ dɛ lán wesa swaa yↄↄa pↄ́ wà safii gbɛ pɛ̀pɛwawa.¹⁵Aà gbáↄ dɛ lán gbɛ̀pɛlɛ bɛɛɛdepↄ́ wà a zɛbↄ pì ń vuaowa.À bↄ̀ lán Libã bùsuwa,aà zɛa maa lán sɛdɛ líwa.¹⁶Aà lɛ́á zↄ́ɛ,aà gupii kɛfɛũ.Yelusalɛũ nɛnↄnaↄ,lá ma gbɛ̃na yenzide dɛn we.

Salomↄↄ lɛ 5 / bqc_sim

Salomↄↄ lɛ5bqc_sim