Solomone Mazmure Maxaafa4gof_ltw

Panthaa

1Ta siiqe, neeni waana lo77ay!Neeni waanida yegelsse!Ne ayfeti guulunthaa giddora be7iya wode,holleda lo77oosona.Ne binaanay Galada zumaapewodhiya deesha wude daanees.2Ne achay meedetidi haathan meecetida,ubbay mente yeliya,enta giddon awucayey bayna dorsa wude mela.3Ne mettershay zo7o qacina daanees;ne haasaya wode daro ufaysoosona.Ne nam7u shakalay guulunthaa giddora xeelliya wode,nam7a kessidi phalqida oromaane daanosona.4Ne qoodhey loythi oothida,iya bolla olanchota gondalley de7iya,mukulu mino olanchota gondalley kaqetida,Dawita adussa gimbiya daanees.5Ne nam7u dhanthati mente yeletida,lo77o ciishshata giddonmiya woshi7e marata daanosona.6Sa7i geeyanaape sinthe,dhumay kichanaape sinthe,karbe deriyanne ixaane zuma bada shempana.7Ta siiqe, ne asatethay kumethi lo77o;nenan boretiyabay baawa.8Ta mushurate, Libaanosepe haaya;Gaammoy pee7iya, maahey aqiya,Amaana zumaape, Sanira liiphepeArmoona huuphiyape wodha.9Ta siiqe, micho gidida ta mushurate;ne ayfiya xeeloynne ne qoodhiya alleeqoy,ta wozanaa ufaysan gooshshis.10Ta siiqo micho gidida ta mushurate!Ne siiqoy tana waani ufaysi!Ne siiqoy woyne ushshafe aadhidi ufaysees;ne shittoy ubbaafe aadhidi sawees.11Ta mushurate, ne mettershafe ililo eessi xokees;Ne doonape eessinne maathi pultees;ne ma7oy Libaanose shittoda sawees.12Ta siiqo micho gidida ta mushurate,ne yuushoy diretidi naagetiya atakilte bessa mela;ne haratas gordetida, taw dooyetida pulto mela.13Neeni atakilte giddon,oromaaney, dooretida atakilte ayfeti,nardoose geetetiya ayfeti de7iya bessa mela.14Nardoosey, laadey, sawiya maati, qarafin,ixaanada sawiyabati de7oosona.Karbey, godare uutha ciishshinnedumma dumma qimame atakilteti doloosona.15Neeni atakilte bessa ushshiya pulto mela;de7o haathi bentiya olla mela;Libaanose zumaape goggiya shaafa mela.

Geela7iw

16Pudeha bagga carkuwaw, denda!dugeha bagga carkuwaw, haaya!Ta atakiltiya bolla carka!iya sawoy tonku go.Ta siiqoy ba atakiltiya giddo yo;daro mal7iya ayfeta mo.
expand_more
Search