Siik'uwaa Sabaa4dwr_ltw

1Ta siik'k'atee, neeni ayaa malanchchatii! Neeni woota lo"ay!Ne ayifetuu ne som"uwaa kammiyaa sharbbe gidduwaana be'iyaa wode,harap'p'iyaadan lo"iino.Ne binnaanay Gala'aade Deriyaappe wod'd'iyaa deeshshaa wudiyaa mala.2Ne achchay meedettiide, haatsaan meec'etteedda ubbaykka manttiyaa yeliyaa,unttunttu giddon maynii bayinna dorssaa wudiyaa mala.3Ne mettershshatuu zo'o k'ac'inaa mala;ne haasayiyaa wode daro nashechchiino.Ne laa"u gac'otuwaa sharbbiyaa gidduwaana s'eelliyaa wode,itti roomaaniyaa laa"u kessi p'alk'k'eeddawaa malatiino.4Ne k'ood'ii olaa miishshaa kak'k'anaw gimbbeedda,Daawita adussa gimbbiyaa malatee;he gimbbii sha"u mino olanchchatuwaa gonddallii kak'ettina,alleek'k'etti utteedda.5Ne d'antsatuu manttiyaa yeletteedda,wora c'iishshaa giddon miyaa gen"iyaa maratuwaa malatiino.

Soyzzuwaa Ittipetetsaa

6K'ammay wonttanaw, kuway kichchanaw,karbbiyaa deriyaanne is'aanaa zooziyaa baade shemppashshana.7Ta siik'k'atee, ne asatetsay ubbaykka malanchcha;neenan wotsiyaawe ayaynne baawa.
8Ta mushurattee, Liibaanoosa Deriyaappe wod'd'a.Gaammuunne maahii geessuu Amaana Deriyaappe,Saniira Deriyaappenne Hermmoone kiikiyaappe wod'd'a.9Ta siik'uwaa michchato gidiyaa ta siik'attee!Ne ayifiyaa s'eeluunne ne k'ood'iyaa alleek'k'uu,ta wozanaa nashshechchan gooshsheedda.10Ta siik'uwaa michchato gidiyaa ta mushurate!Ne siik'uu taana ayaa nashechchii!Ne siik'uu woyniyaa eessaappe aad'd'i nashechchee;ne shittuu ubbabaappekka aad'd'iide sawee.11Ta mushurattee, ne mettershshaanna eessaa ililuu s'okee.Ne doonaappe eessaynne maatsay pulttee;ne mayuu Liibaanoosa s'iidday sawiyaawaadan sawee.12Ta siik'uwaa michchato gidiyaa ta mushurati yuushshuu,direttiide naagettiyaa ataakilttiyaa sa'aa mala.Yuushshuu gimbbetteedda pulttuwaa,maatafay attametteedda goggiyaa haatsaa mala.13Ne ataakilttetuwaa giddon: roomaanii,dooretteedda ataakilttiyaa ayifetuu,heenayinne narddoosiyaa giyaawanttu de'iino.14Hewaadankka k'ay narddoosii,laadii, sawuwaa maataynne k'arafay,hewaadankka is'aanaadan sawiyaabatuu de'iino;hewaadankka k'ay karbbii,godare uutsaa c'iishshaynne dumma dumma k'imaamiyaa ataakilttetuu mokkiino.15Neeni ataakilttiyaa sa'aa aliyaa pulttuwaa mala;de'uwaa haatsay beettiyaa ollaa mala;Liibaanoosa Deriyaappe goggiyaa shaafaa mala yaageedda.16Huup'issa bagga c'arkkoo, dendda!Gedissa bagga c'arkkoo, haaya!Ta ataakilttiyaa bolla c'arkka! Aa sawuu hewan toshukku go.Ta siik'uu bare ataakilttiyaa giddo yo.Daro mal"iyaa teeratuwaa mo yaagaaddu.
expand_more
Search