उत्तम गीत3hne_twf
1में रोज रात भर ओला अपन बिस्तर म खोजेंव,जऊन ला मोर हिरदय ह मया करथे।मेंह ओला खोजेंव, फेर ओला नइं पायेंव।2अब मेंह उठहूं अऊ सहर म,येकर गली अऊ चऊकमन म ओला खोजहूं;मेंह ओला खोजहूं, जेला मेंह दिल से मया करथंव।एकरसेति मेंह ओला खोजेंव, पर ओह नइं मिलिस।3जऊन पहरा देवइयामन सहर के पहरा देवत किंदरत रहिथें,ओमन ला मेंह भेंटेंव,अऊ मेंह ओमन ला पुछेंव “का तुमन ओला देखे हव, जेला मेंह दिल से मया करथंव?”4मेंह ओमन ले थोरकून दूरिहा गे रहेंवकि मोला ओह मिलिस, जेला मेंह अपन दिल से मया करथंव।मेंह ओला पोटार लेंव अऊ ओला जावन नइं देंवजब तक कि मेंह ओला अपन दाई के घर म नइं ले गेंव,याने अपन दाई के घर म, जऊन ह मोला अपन गरभ म रखे रिहिस।5हे यरूसलेम के बेटीमन, मेंह तुमन ला सुघर छोटे हिरनअऊ भांठा के हिरनीमन के किरिया खवाके कहत हंव:जब तक मया ह खुदे नइं जाग उठयतब तक तुमन ओला झन भड़कावव या जगावव।6येह का ए, जऊन ह कुहरा के खंभा सहींसुन्ना जगह ले आवत हे;येह गंधरस अऊ लोहबान के खुसबू ले भरे हवयअऊ बेपारीमन के जम्मो मसाला ले बने हवय?7देखव, येह तो सुलेमान के पालकी अय,साठ जन योद्धा ओला पहरा देवत चलत हें,अऊ येमन इसरायल के सूरबीर अंय,8ओ जम्मो के जम्मो तलवार धरे हवंयअऊ लड़ई म अनुभवी अंय,हर एक के बाजू म तलवार बंधाय हवय,अऊ ओमन रथिया के खतरा के सामना करे बर तियार हवंय।9राजा सुलेमान ह अपन बर पालकी बनवाय हवय;ओह लबानोन के लकड़ी ले येला बनवाय हवय।10ओह येकर खंभामन ला चांदी ले,अऊ ओकर आधार ला सोन ले बनवाय हवय।ओकर बईठे के जगह ला बैंगनी ओनहा ले बनवाय हवय,ओकर भीतर के जगह ला मया ले सजाय गे रहय।हे यरूसलेम के बेटीमन,11बाहिर निकलव,अऊ तुमन देखव, हे सियोन के बेटीमन।मुकुट पहिरे सुलेमान राजा ला देखव,ओ मुकुट, जेला ओकर दाई हओला ओकर बिहाव के दिन पहिराईस,ओ दिन, जब ओकर मन ह आनंदित रिहिस।