Read ቢያፓ ባሼ ዓይኑሞ 2

ቢያፓ ባሼ ዓይኑሞ2mdy_twf

¹ታኣኒ፥ ሳኣሮኔ ቦኦሎ ቡኖጉዲዶኦቺዳ ባቃሌ ሚዛጲ ቡኒጉዲኬ።

²ታኣኮ ሚሼላ፥ ኔኤኒ ዉዱራሢ ባኣካ ጴዻ ዎዶናዓንጊሢ ባኣካ ዓኣ ሚዛጲ ቡኒጉዲኬ።

³ታኣኮ ዒሼ፥ ሜሌ ዼጌሢና ዎላ ቤኤዞዛካዮ ሚፆ ባኣካ ሚዛጲ ጴዻ ጋሲጉዲኬ፤ታኣኒያ ሚርጌ ታና ዎዛሴም ዒዛኮ ሺባ ዴይ ሃውሼኔ፤ዓኣፖዋ ሙይ ታኣኒ ዎዛዼኔ።⁴ዒዛኮ ሙዖ ሙዎ ዳልጎ ኬኤፆ ታና ዒ ጌልዜኔ፤ዒ ታ ዑፃ ባንዴራ ማሂ ዓርቄ ባካ ናሹሞኬ።⁵ታ ዒዛ ናሽኪ ሃርጊንቴሢሮዎይኖኮ ሜሌ ዓኣፖ ሙኡዚ ታና ዶዲሹዋቴ፤ጋዞ ዓኣፖዋ ሙኡዚ ታና ዎዛሱዋቴ።⁶ፔኤኮ ሻውሎ ኩጮ ኬሬ ማሂ ጌሣኔ፤ሚዛቆ ኩጮና ታና ዒ ኮንቃኔ።⁷ዒንሢ፥ ዬሩሳላሜ ዉዱራሢ!ዒዚ ፔኤሮ ኮዓንዳያ ሄላንዳኣናዒዛ ዒንሢ ካኣሚ ጴቹዋጉዲ፤ካዮ ቦዖ፥ ዶቆዞና ሞይሎ ሱንፆናታኣኒ ዒንሢ ሺኢቃኔ።

ላምዓሳ ዓይኑሞ

⁸ታ ዒሼ ዹኮና ጌሜሮና ዑፃ ኮኦሚ ኮኦሚ ሙካኣናዑኡዛ ዒዛሲ ታኣም ዋይዚንታኔ።⁹ታኣኮ ዒሼ፥ ሞይሌና ዶቆሲናኮ ናይ ማላኔ፤ሃይሾ ኑ ማኣሮኮ ቲኢፆ ዓጫ ዒ ዔቂ ዓኣኔ፤ማኣሮኮ ፑልቶ ካሮና ጋሮ ባንሢ ዒ ዛጋኔ፤ፑልቶ ካራ ጋሲ ኮሾና ፂኢኖና ሞኦኪ ዒ ታና ዛጋኔ።¹⁰ታ ዒሼ ሂዚ ታኣም ጋዓኔ፦ዑኡታሢ ዓይኑሞታ ሚሼሌ! ዔቄ፤ታኣኮ ሚዛጴሌ! ሃኒ ዬኤ ኑ ዎላ ዓኣዾም፤¹¹ማይ፥ ባርጋ ጋፔኔ፤ዒራኣ ሻንቄኔ፤¹²ዱማ ዱማ ቦኦሎ ቡና ቡኒፆ ዓርቄኔ፤ዓይናዺ ኮርጎ ዎዳ ሄሌኔ፤ዶኦሎ ዱላሢያኣ ኑ ዓጫ ዋይዚንታኔ።¹³ቤሌሶ ሚፃ ዓሚፆ ዓርቄኔ፤ዎይኖ ቡኖ ሳውማ ሳዖ ዔኬኔ፤ዬያሮ ታ ሚሼሌ! ዔቄ፤ታኣኮ ሚዛጴሌ! ሃኒ ዬኤ ኑ ዎላ ዓኣዾም።¹⁴ጋጋ ዓኣ ላሎ ዛኣዚንፆይዳዓኣሺንቲ ዴዔ ታኣኮ ዶኦሌሌሂንዳ ዓኣፖ ካሮ ኔኤኮ ታና ዻዌ፤ዑኡዞዋ ኔኤኮ ታና ዋይዚሴ፤ዑኡዛ ኔኤኮ ታና ዎዛሳያኔኤኒ ኮሺ ሚዛጳያኬ።ዑኡቴሎኮ ጌርሲንሢ ዓይኑሞ¹⁵ዎይኖ ጎዣ ቡኒ ዓኣ ዎይኖ ፑርቲሳዬያ ዻኮ ዻኮ ዉኡካሢፒሪ ኑም ዓርቁዋቴ።

¹⁶ታ ዒሼ ታኣሮኬ፥ ታኣኒያ ዒዛሮኬ፤ዒዚ ሚዛጶ ቡኖ ባኣካ ቆልሞ ፔኤኮ ሄንቃኔ።¹⁷ዹማ ካራንዳያ ሄላንዳኣናጉቶ ዢባራ ዢባርሻንዳያ ሄላንዳኣናታ ዒሼ! ሞይሌ ናይ፥ ጊንሣ ሃሣ ዶቆሲ ናይጉዲጋጎ ማዔ ዹኮ ቶኦካ ኮኦሚ ኮኦሚ ማዒ ሙኬ።

ቢያፓ ባሼ ዓይኑሞ 2 / mdy_twf

ላምዓሳ ዓይኑሞ

ቢያፓ ባሼ ዓይኑሞ2mdy_twf