ZEGAR HAW IPURÀG WERA'U MA'E2gub_wbt

1Aiko ma'eputyr hozà her ma'e Xarom ywy rehe har romo ihe.Aiko ma'eputyr iri her ma'e ywyàpyznaw rehe har romo no.2Heremiamutar amogwer kuzà wainuinuromo a'e,nuzawy kwaw ma'eputyr iri her ma'e xu wainuinuromo har a'e.3Heremiamutar amogwer awa wainuinuromo a'e,nuzawy kwaw màxà 'yw amo ywyra ka'a pe har wainuinuromo a'e.Herurywete izywa rehe hereko mehe.Hemumuràgaw nuzawy kwaw hete katu ma'e ihewe.4Hereraha ipupyaikaw pyrer pupe mynykawhu iapo haw pe.A'e pe uruzemono urezeamutar katu haw pe.5
Perur uwà imuxinig pyrer ihewe nehe. Nezewe mehe hekàgaw uzewyr putar ihewe nehe.Perur màxà ihewe hekene'o haw ihewi imuhem kar pà nehe.Ta'e urezeamutar katu awer hemukàzym kar tària'i a'e.6Omono opo ahurehe har heàkàg iwy pe.Heàzuwàn opo awyze har pupe.7Kuzà Zeruzarez pe har wà, pemume'u ko ma'e ihewe nehe.Pemume'uahy ko ma'e ihewe nehe.Pemume'u arapuha hehaite ma'e kor zàwenugar her ma'e nehe.Pemume'u arapuha kazer her ma'e rehe nehe. — Nuruzapo kwaw ma'e pemupytu'u kar pà pezeamutar katu re nehe, peze nehe.

Zegar haw mokoz haw

8Aenu heremiamutar katu teko ize'eg mehe ihe.Ur iko na'arewahy a'e kury. Wezyw iko ywytyruhu wi.Uzàn wà iko ywytyr wanehe.9Heremiamutar nuzawy kwaw arapuha kazer.Nuzawy kwaw arapuha kor ra'yra'i.Heremiamutar wiko pe pe katu pe ureràpuz huwake.Ume'e iko ipupe ukenaw rupi.Ume'e iko herehe ipari haw rupi.10Heremiamutar uze'eg iko ihewe.AwaEzur kury, heremiamutar.Ezur herupi nehe, heremiamutar.11Tuwixàgaw uhem oho.Àmàn upik oho.12Ma'eputyr uzexak kar kaiwer pe.Zanezegar haw 'ar uhem kwez kury.Teko wenu pyku'i kaiwer rehe waze'eg mehe wà.13Pi 'yw i'a kwer uzypyrog iazu pà kury.Uwà 'yw rehe heta iputyr. Hyàkwegatu.A'e rupi, ezur nehe, heremiamutar.Ezur herupi nehe, heremiamutar.14Ereiko pykahu itawokaw pupe uzemim ma'e ài.Exak kar neruwa ihewe nehe.Tuwe uruenu neze'eg mehe ihe nehe.Ta'e neze'eg hete katu a'e xe.Neruwa ipuràg eteahy a'e no.15Pepyhyk awara pe wà nehe. Pepyhyk awara'yr pe wà nehe.Pemupytu'u kar uwà tyw zaneremitygwer imuaiw 'ym mehe we pe wà nehe.Iputyr a'e kury.16Aiko heremiamutar izar romo ihe. Wiko hezar romo a'e no.Weraha weimaw àràpuhàràn hawitu ma'e ma'eputyr iri her ma'e wainuinuromo a'e wà. U'u kar ka'api'i wanupe a'e,17ku'em mehe weipytunaw iho 'ym mehe we a'e.Heremiamutar, ezewyr na'arewahy nehe.Ezàn ezuwà kazer ài nehe,arapuha kor ra'yra'i Meter ywytyr rehe har ài nehe.
expand_more
Search