Izûba
1Okulîmba kw’amalunga, ecirêre cilangashane, ntyo kw’amalunga ga bonekana omu irengelyâgo.2Izûba erhi lishoshôka sêzi linahamagaze: «Al’obwinjà bw’omukolo gw’Ow’Enyanyal»3Erhi lijà omu nkuba-karhî, likaze igulu, ciru ndi wankalinda idûrhu lijira!4Cibêye batwâna àbalonza idûrhu linji, izûba lyôhe linayôce entondo kasharhu kalushire; citumbûkemo ecîdûrhu cayôca, lirike emisholo yalyo, amasù gahune.5Mushâna, Nyakasane waliremaga ali mukulu, na luderho lwâge luliyêreka enjira lyageramo buhena.Omwêzi
6Omwêzi nago ngasi mango gwo na gulya, gwo gugaba emyêzi gutwe n’amango.7Gwo gumanyîsa ensiku nkulu, cibà cimole cishubira eburhò, n’obwo carhenga ebukulu.8Mwêzi-cimole gurhengako omwêzi-nsiku, gunajè gwâkula-bugenda njira, cibà cimanyîso c’engabo z’e malunga, co cimolekera ecirêre oku nkuba.Enyenyêzi
9Obumoleke bw’enyenyêzi bwo buyêrekana obwinjà bw’emalunga, zirhahimwa kuyinjihya amalunga ga Nyamuzinda.10Oku Mwimâna adesire kwo zinahêka, zirhagosa omukolo gwâzo.Omutirigongo
11Lolà omutirigongo, okuze Lulema, gurhahimwa bwinjà omu myambalo yagwo.12Gubà muherho gw’irenge ly’emalunga, kuboko kwa Nyamuzinda kwagugokaga.Obwinjà bw’ebiremwa
13Nyamuzinda oku bulonza bwâge ananiêse olubula, arhume n’emikemezo.14Obone enfûnikire zâge zifûnuke, ebitù bibalale nka binyunyi.15Oku buhashe bwâge, ebitù binanage, bihinduke mabuye.16Oku buhashe bwâge, oku bulonza bwâge, empûsi y’ifô enahûse.17Izù ly’omukungulo gwâge linajugumye idaho, kul’omusirûla guhubuka enyanya bo na kalemêra.18Kul’orhunyunyi rhugwa oku idaho, kw’arhoza olubula, lugwe nka nzige. Amasù gasômerwe n’okuhona olwêru-lwêru, obukengêre burhangâle n’okulubona.19Kandi, idaho alibulagirekwo oguli nka munyu, lumè lwanazire n’emboho, luhinduke rhushûgi-rhushûgi.20Empûsi y’emboho y’enyanya yamahûsa, ebigakala byanamera oku mîshi, ngasi cidekêra ca mîshi cinajekwo ebigakala.21Wampûsi anayabuke entondo, ahyajire empinga, asingônole ebyâsi nka muliro.22Lêro obwo, ebitù nabyo birhinde nka bufumu, olumè lugalule obuzîne ecanda càmâhwa.23Nyamuzinda, oku mulâli gwâge, ahima enyanja, n’omu nyanja amezamwo ebirhwa.24Abagera omu nyanja banarhubwîre ebibamwo; emyanzi yâbo eri ya kurhusômeza:25kutwa batwa oku isî, barhangâle: aha nsimba za ngasi lubero, aha mahirahira g’omu nyanja.26Iragi, Nyamuzinda anabihêke bwinjà: na byoshi bishimbe oluderho lwâge.27Erhi rhwankaganîra ebyo, bwanaca bunayîre; arhankaderhwa: «Ye byoshi».28Mbwîraga aha emisî yarhenga y’okurnukuza? Bulya ye Shabukuru, enyanya lya byoshi,29Nyakasane, Côbohwa Nnâmahanga, Obuhashe bwâge busômerîne.30Mucîtakîrire Nyamuzinda nk’oku munahashire, arhankaderhwa. Mumukuze n’emisî yoshi, murharhamaga, bulya murhayûse.31Ndi okol’omubwîne wankaderha oku ali? Ndi wakamukuza oku akwânîne?32Amahwe gâge rhurhishi go manji kulusha ebyo; bulya ebi rhubona biri binyi omu mikolo yâge.33Nyakasane ye walemaga byoshi, ye hà n’abantu bamurhînya oburhimanya bajira.