Abrahaamey Ammanon Xillis
1Yaatin, nu mayzay Abrahaamey ay demmidee?2Abrahaamey ooson xillidaba gidiyako, I ceeqetiyabay de7ees, gidoshin, Xoossaa sinthan ceeqetanaw danda7enna.3Geeshsha Maxaafay, “Abrahaamey Xoossaa ammanis; Xoossay hessa iyaw xillotethi oothidi ekis” yaagees.4Oothiya uray ekiya damoozey, iya ooso wolqaas cigetiya gatepe attishin, iyaw imota gidenna.5Shin ooso oothonna oonika nagaranchuwa xillisiya Xoossaa ammaniko, iya ammanoy iyaw xillotethi gididi taybetees.6Geeshsha Maxaafan Dawiti, oosoy bayna Xoossay xillisiya asati ay mela anjetidako haysada yaagidi qoncisees:7“Enta balay atto geetetidaysatinneenta nagaray kametidaysati anjetidaysata.8Goday iya nagaraa taybonna asi anjetidaysa” yaagees.9Yaatin, Dawiti odida anjoy qaxaretida asaa xalaalaseyee? Woyko qaxaretiboona asaasee? Nuuni, “Geeshsha Maxaafay, ‘Abrahaamey Xoossaa ammanis; Xoossay hessa iyaw xillotethi oothidi ekis’ yaagees” gida.10Yaatin, hessi awude hanidee? Abrahaamey qaxaretineyee? Woyko qaxaretona de7ishinee? Qaxaretanaape sinthe hanisipe attishin, guye gidenna.11Abrahaamey qaxaretanaape sinthe iya ammanoy iyaw xillotethi gididi taybetidaysa erisanaw, iya qaxaroy malaata gidis. Hessa gisho, Abrahaamey qaxaretonna ammaneysatasinne ammanon xilleyisata ubbaas aawa gidis.12I qaxaretidaysataska aawa. Abrahaamey entaw aawa gididay enti qaxaretida gisho, xalaalas gidonashin, I qaxaretanaape sinthe ammanida ammanuwa enti kaallida gishosa.13Abrahaamesinne iya sheeshas, “Alamiya ta hintew immana” yaagida ufaysay, Abrahaamey ammanon xillida gishosafe attishin, higge naagidi polida gisho gidenna.14Higges kiitetidaysati Xoossay immana gida ufaysa laateyisata gidiko, asaa ammanoy maaddenna; Xoossaa ufaysay hada gidis.15Higge menthoy Xoossaa hanqo ehees, shin higgey baynason higge menthoy baawa.16Hessa gisho, Xoossay immida ufaysay ammanon eketees. Ha ufaysay Abrahaame sheesha ubbaas Xoossaa aadho keehatetha baggara imetidaysa qoncisees. Hessika higge naageysata xalaalas gidonashin, Abrahaameda ammanida ubbaasa. Abrahaamey nu ubbaas aawa.17Geeshsha Maxaafan, “Ta nena daro kawotethatas aawa oothas” geetetidi Abrahaame gisho, xaafetis. Ha ufaysay Abrahaames imetiday hayqidaysatas de7o immeysinne oorathaba oothiya Xoossay iya gideysa I ammanida gishosa.18Xoossay Abrahaames daro koche immanaysa caaqis. Ufaysi oothanaw aykoka danda7etonna wode Abrahaamey Xoossan ammanida gishonne ufaysi oothida gisho, daro kawotethatas aawa gidis.19Abrahaames xeetu laythi kumana hanikoka, ba daaburida asatethanne Saara na7a yelanaw danda7onnaysa erishe ba ammanuwan daaburibeenna.20Gidoshin, I ba ammanuwan minnidi Xoossaas boncho immispe attishin, Xoossay immida ufaysaa ammanonna ixidi, sidhibeenna.21Abrahaamey, Xoossay caaqida caaquwa polanaysa ba kumetha wozanan ammanis.22Hessa gisho, Xoossay iya ammanuwa xillotethan taybis.23Shin, “Iyaw xillotethan taybis” giya qaalay Abrahaame xalaalas xaafetibeenna.24He qaalay nu Godaa Yesuusa hayqope denthida Xoossaa ammaniya nuuska nu ammanoy xillotethan taybetana mela xaafetis.25Xoossay iya nu nagara gisho, hayqos aathidi immis; I nuna xillisanaw hayqope dendis.