Rimljanenđe15rmn_atw
Ugodinen averenđe, a na korkore tumenđe
1Amen o zorale ani vera dužna injam te pomožina e bizoralen ano lengere bizoralipa, a na te ugodina amenđe.2Svako amendar nek ugodini ple pašutnese zako lesoro šukaripe hem izgradiba ani vera.3Adalese so, ni o Hrist na ugodinđa pese, nego sar soi pisime ano Sveto lil: “Upra mande pele o uvrede okolengere kola vređinde tut.”4A sa soi ani prošlost pisime, pisimei amenđe zako sikaviba, te šaj prekali strpljivost hem i uteha save dela o Sveto lil, ovel amen nada.5A o Devel, kova dela strpljivost hem uteha, nek del tumen te oven složna maškara tumende, sledindoj o primer e Hriste Isusesoro.6Ađahar sare zajedno šaj, jekhe glasoja te den slava e Devlese hem e Dadese amare Gospodesere e Isuse Hristesere.7Adalese prihvatinen jekh avere, sar so o Hrist prihvatinđa tumen ki slava e Devlese.8Adalese so, phenava: O Hrist ulo sluga e obrezimenđe, te mothoj dai o Devel verno, te potvrdini o obećanja savei dinde e pradadenđe9te šaj hem o manuša taro avera nacije te slavinen e Devle zbog olesoro milosrđe, sar soi pisime ano Sveto lil:“Adalese ka hvalinav tut maškaro manuša taro avera nacijehem ka đilabav zahvalna đilja te anavese.”10Hem pana phenela:
“Veselinen tumen, manušalen taro avera nacije, olesere narodoja.”11Hem palem:
“Hvalinen e Gospode, sa o manuša taro avera nacije;nek sa o narodija slavinen le.”12Hem palem o Isaija phenela:
“Ka avel o potomko e Jesejesoro,okova kova ka uštel te vladini upro manuša taro avera nacije;ano leste o manuša taro avera nacije ka čhiven pumari nada.”13Nek o Devel, kastar avela i nada, pherel tumare vile svakone radujibnaja hem mireja ani vera. Ađahar tumari nada stalno ka barjol palo zoralipe e Svetone Duhosoro.
O Pavle vaćeri oti pli služba
14Mle phraljalen, me injum uverime da tumen injen pherde šukaripe, pherde svakone džandipnaja, sposobna te sikaven jekh avere.15A palem, odlučnije pisinava tumenđe, te podsetinav tumen upro nesave stvarija, adalese soi maje dindi milost e Devlestar16te ovav sluga e Hriste Isusesoro maškaro manuša taro avera nacije. Me služinava sar svešteniko propovedindoj e Devlesoro evanđelje, te šaj o manuša taro avera nacije oven e Devlese sar prihvatime žrtva, posvetime e Svetone Duhoja.17Adalese ponosno injum ano Hrist Isus upro stvarija save tičinena pe e Devlestar.18Adalese so, na osudinav man te vaćerav nesostar so o Hrist na ćerđa prekala mande. Prekalo mle lafija hem delja ćerđa e naroden oto avera nacije te oven poslušna e Devlese,19zbog o zoralipe oto čudesna hem bare znakija save dikhle hem zbog o zoralipe e Devlesere Duhosoro. Ađahar oto Jerusalim, i sa đi ki Ilirika propovedinđum e Hristesoro evanđelje.20Ali uvek trudinđum man te na mothovav o evanđelje adari kaj o Hrist već pendžarutno, sar te na gradinav ko averesoro temelji.21Nego sar soi pisime ano Sveto lil:“Ka dikhen okola kolenđe nane vaćerdo,ka haljoven okola kola olese na šunde.”