1Nugu no xos ina taamat, nugu xaraxin adodo lalon nugu butsa ma nugu sausawit laa sin Moroaa ngali no inaman Israel ngali di ba tuo.2Amuina iaa pupua ngali paare leng taman xadi xaraxin saansaan ngali amumusili xan no namaang Moroaa, oro di xosaraa abala taman ta xap xa sinaae ina ia.3Amuina di xap atii abia inatutiik ta xaal sin Moroaa, ma di ga tsatsel ngali amusili xadi no adodo tsaa ma di ga xap man paina xan inatutiik Moroaa.4Amuina Karisito a tilbanti xan tinaxaa abia lo, ngalibi Moroaa ga xosaraa no inaman araraa biaa di ta taltaalnge sin ia ngali tsap tutiik.
Atotoaa ngali no inaman araraa
5Moses atatal taman abia inatutiik biaa ta xaal sin lo, â Saa ia ta amusili abala no lo na tino amusili abala no lo.â6Oro Moses a paare taman abala ngali tsap tutiik nan no matan Moroaa sin tinaalnge, â Nangaam atsura lalon num butsa we, â Saa naba xaale balalangit?â â â (Muina aweaatalaa ngali giwaa Karisito xaalame lapula.)7â O, â Saa naba laa lapula sin abia xobel ina minet?â â â (Muina aweaatalaa, ngali gii mulangen Karisito ngali tino mula xaal sin minet.)8Aso, a paare we,â Biaa inesaait asuk atat buxaa manman papan no bulina gim ma lalon nagim no butsaâma biaa inesaait ina tinaalnge biaa giem ta baais taman.9Nawe gim paare leng taman nagim no ngutsina we Iesu ia Orong ma gim ga taltaalnge lalon nagim no butsa we Moroaa atapaasi ia xaal sin minet, gim ba tuo.10Amuina sin tinaalnge lalon nagim no butsa biaa Moroaa ga xosaraa gim ngali tsap tutiik ma sin papaare leng taman no ngutsina gim we, gim tuo.11Malen Inaatel Pat ta asaaiti gita, â Saa ia ta taltaalnge sin ia naba xap mangiel.â12Amuina a xap xawas na xaatsap sin no Jiu ma no Gentail, iwaa uk Orong ta patanginai no inaman araraa ma ga atubudaani di araraa, biaa di ta ilei ngali ia.13Amuina, â No saa di ta ilei iesan Orong, di ba tuo.â14No inaman di ta xap taltaalnge sin Orong, di ba xap ilei ia ngali atoaa di. No inaman di ta xap mager alongmen ia, di ba xap pupua ngali taltaalnge sin ia. Xa na baais taman ia ngali di ba alongmen.15Xa na tulen di ngalibi di ba laa baais. Malen inaatel ta paare, â No xaden abia di, di ta baais taman inesaait mamainaang asuk mat geramis.â16Oro a xap no inaman araraa, di se long amusili abia inesaait mamainaang amuina Aisaia iwaa propet a paare, â Orong, saa se taltaalnge sin xida inesaait?â17Biaabi tinaalnge ga xaal sin longlongmien inesaait mamainaang, ma biaa inesaait di ba ta longmien axaal sin xan totore Karisito.18Oro iaa ga atsura, no inaman in Israel di se alongmen tsaa abala inesaait? Iou, di se alongmen,â Biaa inesaait a se tsigaii araraai balan pula,ma no totore a se laa araraa sin xolkolmoxo.â19Oro iaa ga atsura, u we no inaman in Israel di suk leng so? Iou di leng, amuina sin xan no leng Moses, Moroaa a paare,â Iaa ba xosaraa gim ngali bal tsaxa sin no inaman, di ta xap no inaman labalaba.Iaa ba xosaraa gim ngali magaa mii abia no tangtangabaa ina Gentail.â20O mil Aisaia ga paare watwat ngali Moroaa weaatalaa,â No inaman di tatanginai iaa, biaa di tii xap nanen ngali iaa.Iaa tii asen iaa tsaa, sin abia di, di tii xap atsura ngali iaa.â21Oro ngali no Israel, Moroaa a paare,â Sin no leng araraa, iaa apalasaa no limaaga laa sin di,oro di tii xap long amusili iaa ma di tii ga tsiil xisi iaa.â