Read ROMUDEENƆ 10

ROMUDEENƆ10bus_sim

¹Ma gbɛ̃nↄ, yã kɛ̀ má yezi ma swɛ̃̀ guu mɛ́ɛ a wɛ́ɛ kɛɛ Ludaan Isarailinↄ mìsina ũ.²Mɛ́ fↄ̃ mà ń sèeda kɛ kɛ̀ aↄ̃ↄ aĩa vĩ kↄ̃n Luda yão, mↄde aↄ̃ wɛ́ɛ kɛ̃naro.³Zaakɛ aↄ̃ↄ dↄ̃ dian Luda è tó yã bↄńyo nna nàro, ben aↄ̃ègↄ̃ wɛtɛɛ yã bↄńyo nna kↄ̃n ń zĩnda gbãaao. Dian Luda è tó yã bↄńyo nna nà, aↄ̃ↄe síro.⁴Zaakɛ Kirisi Musa doka lɛ́ pàpa, lɛ yã bↄ kↄ̃n gbɛ̃ sãnda píngi kɛ̀ à à náanɛ kɛ̀o nnamɛ.

Mìsina nɛ́ gbɛ̃ píngi pↄ́mɛ

⁵Dian doka è tó yã bↄńyo nna nàn Musa ò a takadan à bè, gbɛ̃ kɛ̀ yã pì kɛ̀ bé é wɛ̃̀ndi e à guu.⁶Dian ludanaanɛkɛna è tó yã bↄńyo nna nà kɛ̃na à yãn à bè:Ǹton o n nↄ̀sɛn ǹ be,dé bé eé gá ludambɛ à Kirisi pitaro,⁷ke dé bé eé gá gɛ̀wãan à Kirisi bↄ gaanlo.⁸Yã kɛ̀ à òn yɛ̀:Yã pì kúnyo kĩi,à kú n lɛ́n kↄ̃n n nↄ̀sɛo.Ludanaanɛkɛna yã kɛ̀ weè à waazi kɛɛn yã pì ũ.⁹Tó ń ò kↄ̃n lɛ́o gupuraaa kɛ̀ Yesun Dii ũ bensↄ̃ ń sì n swɛ̃̀n kɛ̀ Luda à bↄ̀ gaan, eé n mì sí.¹⁰Zaakɛ yã pì sina n swɛ̃̀n bé è tó yã bↄnyo nna bensↄ̃ yã pì ona kↄ̃n n lɛ́o bé è n mì sí.¹¹À kɛ̃na Luda yãn wà bè, wí é gbɛ̃ kɛ̀ èe à náanɛ kɛɛ kũ zikiro.¹²Yudanↄ kↄ̃n bori pãndenↄ e bↄ doodo kↄ̃oro, zaakɛ aↄ̃ píngi Dii dↄ̃nkↄ̃mɛ, è kaarana kɛ gbɛ̃ kɛ̀ aↄ̃è à sísinↄnɛ ń píngi.¹³Zaakɛ Dii sìsirinↄ é bↄ ń píngi.¹⁴Dian gbɛ̃nↄ é à sísi à náanɛkɛna saii? Dian aↄ̃é à náanɛ kɛ à yãmana saii? Dian aↄ̃é à yã ma waazikɛri saii?¹⁵Tó wèe waazikɛrinↄ zĩḿmaro, dian aↄ̃é waazi kɛńnɛ nà? À kɛ̃na Luda yãn wà bè: Baarunnakparinↄ mↄna è kɛńnɛ nna fá!¹⁶Mↄde èe kɛ baade píngi bé à baaru nnaa pì sìro. Ben Isaya bè: Dii, dé bé à wa yã sì?¹⁷Lɛmɛ ludanaanɛkɛna è bↄ à yãmana kiiamɛ, yã pì sↄ̃ nɛ́ Kirisi yãmɛ.¹⁸Ma bè yↄ́ↄ! Aↄ̃ↄe manloo? Aↄ̃ↄ mà.Aↄ̃ kòto dà andunala píngi,aↄ̃ yã'ona gàa ai tↄↄtɛ lɛ́zɛkiia.¹⁹Ma bè yↄ́ↄ! Isarailinↄↄ e dↄ̃roↄ́? Káaku gĩa Musa bè:Mɛ́ tó aↄ̃ nↄ̀sɛgↄ̃aanↄ kpá kↄ̃n borii kɛ̀ aↄ̃ↄ dɛ ma gbɛ̃ ũroonↄo,mɛ́ tó aↄ̃ pↄ fɛ̃ gbɛ̃ntee wɛ́ɛsiadeenↄ yã musu.²⁰Ben Isaya Luda yã ò kↄ̃n kù gbãaao à bè:Gbɛ̃ kɛ̀ aↄ̃ↄe ma kii wɛtɛroonↄ bé wà ma e,ma a zĩnda ↄ̀dↄa gbɛ̃ kɛ̀ aↄ̃ↄe ma gbekaroonↄnɛ.²¹Isarailinↄ yã musu à bè:Zaa kↄngↄ ai uusiɛ ma ↄ dↄ̀bori swãgbãadee kɛ̀ aↄ̃ fɛ̃̀maonↄnɛ.

ROMUDEENƆ 10 / bus_sim

Mìsina nɛ́ gbɛ̃ píngi pↄ́mɛ

ROMUDEENƆ10bus_sim