Read ROMUDENƆ 10

ROMUDENƆ10bqp_sim

¹Ma gbɛ̃nↄ, yã kũ má yei ma swɛ̃̀ɛ gũn matɛni a wɛ́ kɛ Ludaamɛ Isarailanↄ surabana ũ.²Mani fↄ̃ mà ń sèeda kɛ kũ ò kokari vĩ kũ Luda yão, ama ń wɛ́ kɛ̃naro.³Zaakũ ò dↄ̃ deran Luda dì tó yã bo kũńwo nna nàro, akũ òdigↄ̃ wɛtɛ yã bo kũńwo nna kũ ń zĩda gbãnao. Deran Luda dì tó yã bo kũńwo nna nà, odi wero.⁴Zaakũ Kirisi Musa doka lɛ́ pàpa, de yã bo kũ gbɛ̃ sĩnda pínki kũ à a náani kɛ̀o nnamɛ.

Surabana bi gbɛ̃ sĩnda pínki pↄ́mɛ

⁵Deran doka dì tó yã bo kũńwo nna nàn Musa ò a takadan à pì, gbɛ̃ kũ à yã pìi kɛ̀ mɛ́ ani wɛ̃̀ndi le a gũn.⁶Lákũ ludanaanikɛnaa dì tó yã bo kũńwo nna nà kɛ̃na a yãn à pì:Ǹsun o n nɛ̀sɛn ǹ pi,dí mɛ́ ani gɛ́ ludambɛ à Kirisi kiparo,⁷ke dí mɛ́ ani gɛ́ gyãwãn à Kirisi bo ganlo.⁸Yã kũ à òon dí:Yã pì kú kũnwo kãni,à kú n lɛ́n kũ n nɛ̀sɛɛo.Ludanaanikɛna yã kũ odì a waazi kɛn yã pì ũ.⁹Tó n ò kũ lɛ́o gupuraa kũ Yesumɛ Dikiri ũ, akũsↄ̃ ń sì n swɛ̃̀n kũ Luda a bò gan, ani n sura ba.¹⁰Zaakũ yã pì sina n swɛ̃̀n mɛ́ àdi tó yã bo kũnwo nna, akũsↄ̃ yã pì ona kũ n lɛ́o mɛ́ àdi n sura ba.¹¹À kɛ̃na Luda yãn ò pì, wé'i ni gbɛ̃ kũ àtɛni a náani kɛ kũ zikiro.¹²Yudanↄ kũ buri pãndenↄ donadona kↄ̃nɛro, zaakũ ń pínki Dikiri dokↄ̃nↄmɛ, àdi karana kɛ gbɛ̃ kũ òdi a sísinↄnɛ ń pínki.¹³Zaakũ Dikiri sìsirinↄ ni bo ń pínki.¹⁴Deran gbɛ̃nↄ ni a sísi a náanikɛnaa sarii? Deran oni a náani kɛ a yãmanaa sarii? Deran oni a yã ma waazikɛrii sarii?¹⁵Tó òdi waazikɛrinↄ zĩḿmaro, deran oni waazi kɛńnɛ nàa? À kɛ̃na Luda yãn ò pì: Baarunnakparinↄ suna dì kɛńnɛ nna fá!¹⁶Ama adi kɛ gbɛ̃ sĩnda pínki mɛ́ à baaru nna pì sìro. Akũ Isaya pì: Dikiri, dí mɛ́ à ó yã sìi?¹⁷Lɛmɛ ludanaanikɛnaa dì bo a yãmana kĩnaamɛ, yã pì sↄ̃ bi Kirisi yãmɛ.¹⁸Ma pì yↄ́ↄ! Odi manloo? Ò mà.Ń kòtoo dà anduniala pínki,ń yã'onaa gɛ̀ɛ ari zĩtɛ lɛ́a.¹⁹Ma pì yↄ́ↄ! Isarailanↄ dí dↄ̃ro yá? Káaku gĩa Musa pì:Mani tó ò gↄ̃ba kpá kũ buri kũ ò de ma gbɛ̃ ũronↄo,mani tó ń pↄ fɛ̃ bisãsiri wɛ́siradenↄ yã musu.²⁰Akũ Isaya Luda yã ò kũ kùgbãnao à pì:Gbɛ̃ kũ odi ma ki wɛtɛronↄ mɛ́ ò ma le,ma a zĩda mↄ̀ gbɛ̃ kũ odi ma gbɛkaronↄnɛ.²¹Isarailanↄ yã musu à pì:Zaa kↄnkↄ ari ↄkↄsi ma ↄ dↄ̀ buri sãgbãnade kũ ò fɛ̃na kũmaonↄnɛ.

ROMUDENƆ 10 / bqp_sim

Surabana bi gbɛ̃ sĩnda pínki pↄ́mɛ

ROMUDENƆ10bqp_sim