1Na xanbi ra, n yi maleka naanin to tixi dunuɲa tongon naaninne ma. Bɔxɔ xɔnna foye naaninne yi suxi e yii, alogo foye yo nama mini bɔxɔ xɔnna xun ma, hanma fɔxɔ igena hanma wudine xun ma.2N yi maleka gbɛtɛ to fɛ, keli sogeteden binni, habadan Alaa taxamasenna yi suxi naxan yii. Bɔxɔ xɔnna nun fɔxɔ igen tɔrɔ sɛnbɛn so maleka naaninna naxanye yii, a yi sɔnxɔ ne ma, a naxa,3“Ɛ nama fe ɲaxin liga bɔxɔ xɔnna ra singen hanma fɔxɔ igena hanma wudine han en yi taxamasenna sa en ma Alaa walikɛne tigi ra.”4Nba, Alaa taxamasenna sa naxanye tigi ra, n yi na xasabin mɛ, muxu wuli kɛmɛ muxu wuli tonge naanin e nun naanin keli Isirayila bɔnsɔnne birin yi:5Taxamasenna yi sa muxu wuli fu nun firin ma Yuda bɔnsɔnni,Rubɛn bɔnsɔnna,muxu wuli fu nun firin,Gadi bɔnsɔnna,muxu wuli fu nun firin,6Aseri bɔnsɔnna,muxu wuli fu nun firin,Nafatali bɔnsɔnna,muxu wuli fu nun firin,Manase bɔnsɔnna,muxu wuli fu nun firin,7Simeyɔn bɔnsɔnna,muxu wuli fu nun firin,Lewi bɔnsɔnna,muxu wuli fu nun firin,Isakari bɔnsɔnna,muxu wuli fu nun firin,8Sabulon bɔnsɔnna,muxu wuli fu nun firin,Yusufu bɔnsɔnna,muxu wuli fu nun firin,Bunyamin bɔnsɔnna,muxu wuli fu nun firin taxamasenna yi naxanye ma.
Yama gbeena Ala yɛtagi
9Na xanbi ra, n yi yama gbeen to naxan xasabin mi yi yatɛ, sa keli siyane birin nun bɔnsɔnne birin nun yamane birin nun xuine birin yi. E yi tixi manga gbɛdɛn nun Yɛxɛɛ Diin yɛtagi, doma fixɛn nagodoxi e ma, tugu dɛɛne suxi e yii.10E yi e xuini te, e naxa,“Kisina en ma Ala nan yiinaxan dɔxi manga gbɛdɛnie nun Yɛxɛɛ Diina.”11Malekane birin yi tixi manga gbɛdɛn nun fonne nun dalise naaninne rabilinni, ne yi bira manga gbɛdɛn yɛtagi, e yɛtagine yi lan bɔxɔn ma, e yi Ala batu,12e naxa,“Amina! Tantunna nun binyennun fe kolonna nun barika birannun xunna kenla nun sɛnbɛnnun fangan xa lu en ma Ala xahabadan han habadan! Amina.”13Na fonna nde yi n maxɔdin, a naxa, “Doma fixɛn nagodoxi ndee ma itoe ra? E kelixi minɛn yi?”14N yi a yabi, n naxa, “N fafe, i tan nan na kolon.” A yi a fala n xa, a naxa, “Muxune nan e ra naxanye bata dangu ɲaxankata waxati gbeeni. E bata e domane xa, e yi e rafixa Yɛxɛɛ Diin wunli.”15Nanara, e tixi Alaa manga gbɛdɛn yɛtagi,e a batu yanyin nun kɔɛɛn na a Batu Banxini.Naxan dɔxi manga gbɛdɛni,na e yigiyama nɛn a konni.16Kamɛn mi fa e suxɛ sɔnɔn,min xɔnla mi fa e suxɛ sɔnɔn,sogen mi fa e ganɲɛ sɔnɔn,kuye wolon yo mi minɛ e ma,17amasɔtɔ Yɛxɛɛ Diin naxan manga gbɛdɛni,na e masuxuma nɛnalo xuruse rabana,a yi ti e yɛɛ ra,siga siimaya tigi igene yi,Ala yi e yɛɛgene birin fitane yɛɛ ra yi.