1Yárbaade añí deikkí de, duniyair sair kunat sair gwá fírista tíyaiya, ziíne sairó kunar boiyar ore támai raikké, zeéne zobin ot, doijjat yáh honó gas ot boiyar no baá.2Hétunot añí ar eggwá fírista deikkí, zibá fuk mikká ttu uormikká uṛí aiyér, zibár hañse zinda Allar moór maroni asé. Ze sair gwá fírista re zobin edde doijja re hóti goríbar kémota diiya giyéh, híin ore íba ye ḍoóñr abase guzori-guzori3hoór de, “Zobin, doijja yáh gasgusála ókkol ore otókkal hóti no goijjó, zetókkal añára añárar Allar gulam ókkol ore ítarar kuwal ot moór nó mari.”4Baade añí fúinni de, zetará re moór mara giyéh ítara muṭmaṭ ek lak salic sair ázar zon, zetará óilde Boni Isráil or fottí háandan ottu:5Yohúdahr háandan ottu moór mara giyéh de baró ázar ore, héndilla Ruben or háandan ottu baró ázar ore, Gad or háandan ottu baró ázar ore.6Acer or háandan ottu baró ázar ore, Nafṭalir háandan ottu baró ázar ore, Manasér háandan ottu baró ázar ore.7Símiyon or háandan ottu baró ázar ore, Leévir háandan ottu baró ázar ore, Yissákar or háandan ottu baró ázar ore.8Zebulun or háandan ottu baró ázar ore, Yusúf or háandan ottu baró ázar ore, Binyamin or háandan ottu baró ázar ore, moór mara giyéh.
Dóla fucák findá ḍoóñr ek dol manúc
9Híin baade añí saái deikkí de, ḍoóñr ek dol manúc, zibá re honókiye goni kul gorí no fare; yíbat hárr dec or, hárr háandan or, hárr koum or edde hárr zuban or manúc asé, zetará dóla zubba findí edde át ot házu ḍaggwa ókkol looi toktó gán or muúntu edde Bérasóol-or-Sóo war muúntu tíyai táikke;10aar ítara ḍoóñr abase guzori-guzori hoór de,“Nejat asé de óilde toktór uore boiṛá asé de añárar hé Allar hañseedde Bérasóol-or-Sóo war hañse.”11Tamám fírista ókkol toktó gán ore, murubbi-neta gún ore, edde sairó zandár ore gíri tíyai asé; aar híine toktó gán or muúntu uúiñtoi fori Alla re sóida goijjé,12endilla hoói,“Aamin.Taarif, mohíma,giyan, cúkurana, izzot,kémota edde taakotabadulabad hámica añárar Allar ówat tákouk.Aamin.”13Baade murubbi-neta gún ottu ekzone añré hoór de, “Dóla zubba findá manúc iín hontará? Itará hontú aiccé dé?”14Añí yóggwa re hoiyí de, “Jonab, híyan toh tuñí éna zano.” Hétunot yóggwa ye añré hoiyé de, “Itará óilde uitará zetará ḍoóñr mosibot ottu neeliaiccé; itará nizor zubba re Bérasóol-or-Sóo war lou loi dúifelai dóla goijjé.15Hétolla toh itará Allar toktór muúntu asé;itará dine raite Íbar ebaadot-hánat Íbar hédmot goré.Zibá toktó gán or uore boiṛá asé,Íba ye itará re Nizor háziri lói sáhara dibo.16Tói itará ttu ar búk no lagibó,ar tirác no lagibó;itarár gaat no beil or tez foribó,aar no itará re honó gorome faibo,17kiyólla-hoilé toktó gán or mazéhale asé de Bérasóol-or-Sóo waitarár soroya óibo,aar itará re zindigi dee de fanír zónnar híkka loizaybó.Aar Alla ye itarár suk ottu hárr suk or faní fuñsídibo.”