Mǝtakǝr Yahwana7mfm_sco
Nji Dubu Gharu Ənga Dubu Fwaɗǝ kumunyi Apǝ Foɗǝu
1Ayukuɗa sǝˈyar kau, tǝma, kǝ yi lari waladiˈyar foɗǝ tataˈyiu ar hyaka duniya pamǝpamǝ foɗǝu, ba ndǝ kar yambaɗǝ ara sau wu duniya, ar ˈyiˈyi ǝnga ar dǝl ǝnga alaga ar wu.2Kǝ yi ɓǝra lari vanyi waladi a vǝr shida sara wu sǝbiyar pǝci kǝra aˈyi ǝnga mǝtsamǝ nǝ Hyal kǝra ǝnga pi wu tsa ja. Ənga ɗahǝ dǝgal ji ngga waladiˈyar ta foɗǝu, kǝra nji nǝ nda dǝnama nǝ lǝ ɓwaɓwatǝ anǝ duniya ǝnga dǝl tsu.3Əngwar waladiya nyi, “A sara hya lǝ ɓwaɓwatǝ anǝ duniya, ǝnga dǝl ǝnga wuˈyar kwatahǝ mai, kǝl ˈyi fǝr mǝtsamǝ ar huɗǝma njir mǝl thlǝr anǝ Hyal.”4Kǝ yi nggari gangǝkura njira nji fǝr nda mǝtsamǝ nǝ Hyal kau, nanda nji dubu gharu ǝnga dubu foɗǝ kumunyi apǝ foɗǝ ngau (144,000), sara wu culi kumo apǝ mǝthlǝu nǝ njir Izirayila.5Kǝja ǝnggǝra nji fǝr nda mǝtsamǝ kau,sara wu culi nji gǝ Yahuda 12,000, sara wu culi nji gǝ Rubenu 12,000, sara wu culi nji gǝ Gadu 12,000,6sara wu culi nji gǝ Ashiru 12,000, sara wu culi nji gǝ Nafǝtali 12,000, sara wu culi nji gǝ Manasa 12,000,7sara wu culi nji gǝ Simiyanu 12,000, sara wu culi nji gǝ Lawi 12,000, sara wu culi nji gǝ Isaka 12,000,8sara wu culi nji gǝ Zabulanu 12,000, sara wu culi nji gǝ Yusufu 12,000, sara wu culi nji gǝ Benjamenu 12,000.
Daɓǝ Dzǝ Njir Nu Kǝra Cicau
9Ayukuɗa kau, tǝma, kǝ yi tsamǝ ba yi lari daɓǝ dzǝ nji cici gǝ Hyal gangǝ gagaɗau kǝra nji gǝra sǝn jigabiya. Ndǝ sǝbiya sara wu kalar culi ǝnga ˈyiˈyi ǝnga miya pampamǝu, tataˈyi nda wu mwar tsǝkafǝu, ba ǝnga wu mwar Zǝr Gamǝ kau. Ndǝ hari lǝgutǝ pǝpǝrtǝ patǝu, ǝnga hyali hyifa ngu tsa nda.10Ndǝ hyaˈana ɗahǝu dǝdǝgalǝu, ndu na,“Mbǝɗau sara ara Hyalǝr mǝn,ndǝra vǝr nggya ar tsǝkafǝ kauǝnga anǝ zǝr gama nyi!”11Waladiˈyar kǝ patǝ tataˈyi nda, ndǝ zǝwar tsǝkafǝ kau, ǝkkǝˈyi njira nggurǝm ba sǝ ǝnga pi foɗǝ ta. Kǝ ndǝ dla a gyiwu ˈyi wu mwar tsǝkafǝ kau, ndu dlǝvǝ Hyal,12ndu na,
“Amina! Fal, ǝnga hakǝr,ǝnga hahangǝkur, ǝnga usaku, ǝnga gǝnggǝr sǝli,ǝnga dǝnama, ǝnga dǝgalkura nggyari anǝ Hyalǝr mǝnbaˈanuwa! Amina!”13Kǝ pathlǝu wu pama njira nggurǝm kǝ yiwa ɗa, ji na, “Nji mani ngǝ hari lǝgutǝ pǝpǝrtǝ ka? Ənga sara mani nga nda ǝtsu wa?”14Kǝ yi shaɗǝwa nyi, yi na, “Malǝmǝ, nagǝ ngu ndiya ǝnga sǝni.” Kǝ ji na anǝ ɗa, “Nanda ngǝ njira biya sara wu ɓwaɓwatǝ kǝra kwakwaɗǝu. Ndǝ cina lǝgutǝr nda ǝnga mashi Zǝr Gamǝ kau, ba ji ɗa pǝrtǝ pwahǝu.15Ca ngǝ ɗa,
“Ndǝ tataˈyau, wu mwar tsǝkafǝ Hyal,ndu dlǝvǝ nyi vuˈyi ǝnga pǝciwu ki Hyal.Ənga ndǝra vǝr nggya ar tsǝkafǝ kǝwu nda mbuya nda ǝgyakiɗa kwapatǝ nyi.16Tsu ndu ɓǝra ngga wuɓǝ mai,alaga hili mai.Kwakwaɗǝkur nǝ pǝci wu nda mbǝl a gyar kǝra nda mai,ǝnga alaga kwakwaɗǝkur nǝ vitǝku mai.17Zǝr gamǝ kǝra vwar hada tsǝkafǝ kau,ngu nda ɗa ndǝr ɓǝlar nda,ja dzǝgwa lǝbiya nda a ndar vira ǝnga ˈyimi mandǝli mbǝmbǝɗau nǝ lǝ pi gǝra kuɗau.Hyal ngu nda ɗana nda sǝlǝmǝr liya nda patǝu.”