1Rêngsukmuna ânsung ngâipu kut changtieng han lekhazuot ku mua; maha kângnika ânziek mohôr sari ngei mohôr ânnam leta ânthom ani.2Vântîrton râttak ku mua, rôl inringtakin, “Tu mo aminpipna mo-onga, lekhazuot ha aphar thei rang ni zoi?” tiin tânghâi ku mu sa.3Aniatachu invâna, pilchunga aninônchu rammuol nuoiakhom tute lekhazuot mo-onga asûnga a en thei rang reng om mak ngei.4Lekhazuot hah a mo-onga, asûnga a en theiruo tute an om loi sikin ka chap ngungûia.5Hanchu upangei lâia inkhatin ko kôm, “Chap no roh. En roh! Juda jâta ikeibaknei, David richisuonpâra roiinpui han, a menea, male ama han aminpipna sari ngei hah akheka lekhazuot hah a mo-ong thei zoi,” a tia.6Hanchu Belrite hah rêngsukmun alâitak han ânding ku mua, iring parân minli ngei le upangei hah arihîla an om ani. Belrite that sai anghan ânlanga. Maha rikingei sari le mitngei sari a dôna, ma ngei hah Pathien ratha sari ngei pilchung pumpuia tîra om ngei hah an ni.7Belrite hah a sea male rêngsukmuna ânsung ngâipu kut changtieng renga lekhazuot hah ava lâk zoia.8Ma anghan a thoa anîn chu, iring parân minli ngei le upa sômnikleiminli ngei han serânda le rângkachak khuriâingei mirimhoia sip chôi pakin Belrite makunga han an inboka, ma ngei hah Pathien mingei chubaithonangei ani.9Anni ngei han lâ thar an thoa:“Nangma chu lekhazuot lâk theiruole a minpipnangei kheka mo-ong thei ni ni.Thatin no oma, male thina nên pêkna han Pathien ta ranginjâttina mingei, chongtina mingei, namtina mingei le ruitina mingei no rochôk zoi.10Kin Pathien sintho rangin rêngrama ochaingei ni sin ngei zoi ani,male anni ngei han pilchunga roijêk an tih.”11Ko hong en nôka, male vântîrtonngei rôl ki rieta, isâng tamtak le isângrazasôm tamtak an ni! rêngsukmun rihîla han an indinga, iring parân minli ngei le upangei khom an om sa,12male rôl inringtakin lâ an thoa:“Belrite thata omsai hihsinthotheina, neinunsampâr, vârna le râtna,miritna, roiinpuina le minpâkna man theiruo piel ani!”13Male invâna, pilchunga, rammuol nuoia, le tuikhanglien sûnga iring parânngei murdi vânnuoia iring murdi ngei le lâ an thoa:“Rêngsukmuna ânsung ngâipu le Belrite kôm han,minpâkna le miritna, roiinpuina le sinthotheina ngei,tuonsôt tuonsôtin om rese!”14Iring parân minli ngei han, “Amen!” tiin an thuona, male upangei han inbokin chubai an mûk zoi.