1Acunüng bawingawhnak üng ngawki naw caktawm a khyet lama kpawm se ka hmuh. Ahnu ama ca ngâ yu lü msingnak he khyüh am msing awm se ka hmuh.2Acunüng khankhawngsä akkyan kcang naw angsang yea, â U naw msingnak he jah kphyan lü caktawm mhmawng khaia nghlawiki ni?â tia, ngpyang se ka hmuh.3Cunsepi Khankhawa pi kyase, khawmdek khana pi kyase, mce kâ umapi kyase, caktawm mhmawng thei lü akhui üngka teng thei khai mat pi am awm.4Acunüng caktawm mhmawng lü akâ uma teng thei nghlawiki u pi am a awma phäh aktäa ka kyapki.5Acunüng ngvai he üngka mat naw ka veia, à kyapa; Tenga, Ngnängnak yahki Judah pakhui üngka Mukei, Davita mjü akyäp säih naw msingnak khyüh kphyan lü caktawm mhmawng khaia nghlawiki niâ a ti.6Acunüng bawingawhnaka nglung üng Toca ngdüiki cun xüngksei kphyü la angvai he naw nglungna u se ka hmuh. Toca cun hnim pänga mäih lawki. Acun naw khyüh k'kina lü khyüh mik naki. Acun cun khawmdek avana khana tüih pänga Pamhnama ngmüimkhya he khyüha kyaki.7Toca naw cit lü bawingawhnak üng ngawkia kut kpat lam üngka caktawm cun a lawh.8Acukba caktawm a lawh päng la xüngseikia xüngksei kphyü la angvai mkulei-kphyü he cun Toca ma ngbawki he. Cawng la ng'uinghnamki am bekia xüi kbe he jah kpawmei phäh phähki he. Acuna ngâ uinghnam he cun Pamhnama khyang hea ktaiyünaka kyaki.9Acunüng ami ngâ äi kthai ami mcuk cun:â Nang cun caktawm lo lü,msingnak he na jah kphyan khaia na nghlawiki ni.Ning hnim pänga kyase, ngsawn päng, ngthu kce kce pyenki hea khyang päng, khyangmjü päng la pakhui pängüngka khyang he cun ngkengnaka na thisen am Pamhnama phäha na jah kheihki;10Nang naw Pamhnam khüih khai hea ktaiyü mjü hea na jah pyangki,acun he naw khawmdek uk khai heâ tia kyaki.11Acunüng ka han teng üng, bawingawhnak, xüngksei he la angvai hea peia ngdüikia khankhawngsä athawng atawnga am jah kheh khawh vaia dämki hea kthai ka ngjaki.12Acun he naw angsang yea,â Hnim pänga Toca naw,johit, bawimangnak, themnak, kyanak,mküimtonak, hlüngtainak, leisawngnak yah nghlawiki niâ tia, ngâ äiki he.13Acunüng khankhaw la khawmdek khan, khawmdeka k'keh, mliktui kâ uma awmki he la khawliva üng mhmünmceng he naküt avan naw,â Bawingawhnak üng ngawki la Toca veia;Dawkyanak, mküimtonak, hlüngtainak, la khyaihbahnak he, leisawngnakangläta awm seâ ami ti pi ka ngjaki.14Acunüng xüngksei kphyü he naw, â Amen,â tia ami msang. Acunüng angvai he naw ngbawk u lü sawhkhahki he.