1ይንፓ ሱባ፥ ሳሎ ጋማ አሱን፥«ጾዘ ጋላትንቶ!አቶት፥ ቦንቾን ዎልቃ ኑ ጾዘስ ማቀ።2ኤ ፍርድታ ቱሮን ጽሎ።ሳአ ቱንዝደ ዳማ ኦላልቶ ጾዚ ፍርድደ ግሾንፋ አሩን ሱቶ ኢፓ ማህዳ»ያጋዝን ስእዳ።3ማህን ፋ ቃልቶ ቅ ዪዚ፥«ጾዛ ጋላታ የሎ።ጩግታን መፓ መዽና የሎደስ ጩጎዳ»ያጋይዳ።4ላምእታም ኦይዲ ጭሙንን ኦይዲ መቱን አራትዘላ በትደ ጾዘስ ቡንቅቲ፥«አምንኤ! ጾዛ ጋላታ የሎ»ያጋእ ጎይንዳ።5ይንፓ ሱባ ኦራ፥«አሩን፥ኤዛ ዣሽትዙን ኤራን ዳሙን፥ኑ ጾዛ ጋላቶተ»ያጋዘ ቃላ አራትዘፓ ከዝዳ።6ጋማ አሱን ኦ ፋና፥ ዳማ ጎግዘ ቦርካ Ꮉ ጉመ ፋና፥ ዳዳ ፋና ግዘ ኦራ፥«ጾዛ ጋላታ የሎ፤ኡባ አህዘ ኑ ላ፥ ካእትዳ።7ኑ ኡፋይቶዳ፥ ጋላቶዳ ኤዛ ቦንቾዳ።አኮስ ጋይኮ ዱርዘ ሳርገ የልደ ግሾን ኤዛ ገልዛና ጊግደ ግሾ።8ገሎደስ ጊግዳና ፎጭዛን ጌሽ ማቅደሊኖ ማኦ ማኦደ ፋና ኢስ እንግንትዳ»ጋዉደራ ታ ስእዳ። (ሊኖ ማኦ ጌሹን ጽሎ ኦቻ አዝዘ።)9ይንፓ ሱባ፥ ኪታንችዘ ታጎ፥ «ዱርዘ ሳርግቶ ጼግንትዱን አንጅንትዱንና» ጋእ ጻፎ። ማህን፥ «Ꮉና ጾዘ ቱሪ ቃላ» ያጋይዳ።10የ ዎደ ታ ኤስ ጎይኖደስ ኤ ቶህትላ አፋ ጎልእዳ። የዝን ኤ፥ «ይኖ ኦቻመ ፋና ናግንቶ! ታኒ የሱሳ ባዝ ማርክዘ ነ ፋናን ነ እሹን ፋና አሮ። ነ ጾዘስ ጎይኖ» ያጋይዳ። ይኬ፥ የሱሳ ማርካትታ ናበት አያና።
ቦ ፋራ ቶግዳያ
11ሳሎ ቡጉንትን ብእዳ፥ Ꮉይቼ ቦ ፋርዛ ቶግዳይ አማንንትዳያን ቱሪ አስ ጋእንታነ። ኤ ጽሎትራ ፍርዳነን ኦልንታነ።12ኤ ኣፍታ ታማ ሎጸ ፋና፤ ኤ ኦምተ ጋማ ዎርቃ ዛዉደ የነ። ኤፓ አትን መለ ኦደን ኤሮሰ ጻፍንትደ ሱን የነ።13ኤ ሱር ዉጹርክንትደ ማኦ ማእዳ፤ ኤ ሱንታን ጾዘ ቃላ ጋእንትዳ።14ፎጭዛን ጌሽ ማቅደ ሊኖ ማኦ ማእደ ሳሎ ኦላንቹን ቦ ፋሩንና ቶጊ ኤ ሱብቶ ካላነ።15ዎርዥቶ ጋችዘ ማሻ ኤ ዶንትፓ ከዛነ። ኤ መቆ ጉፈራ አሱንና አሃነ። ኤዝን ኡባፓ ዳማ ጾዘ Ꮉንቆ ዎይነ ኡሽቶ ጉምእዘ በስቶ ኤ የዳ።16ኤ ማእትላን ኤ ማጋትላ አፋ፥ «ካቱን ካት ላን ላ» ያጋዘ ሱን ጻፍንትዳ።17ይንፓ ሱባ፥ ፈቲ ኪታንችዘ አዋላ አፋ ኤቅዳያ ብእዳ። ኤዝን ሳሎራ ፍርዘ ላንዳ ኡቡንስ ፋ ቃልቶ ቅ ዪዚ፥ «Ꮉይጋ ዮኦተ! ጾዘ ድግሳ ማአደስ ፈቲ በሳ ሺቆተ።18ይእ ካቱን አሾ፥ ሻላቁን አሾ፥ ዎታዳሩን አሾ፥ ፋሩን አሾ፥ ፋሩንና ቶግዙን አሾ፥ አስ ኡባ አሾ፥ አሩን አሾ፥ ላን አሾ፥ ዳሙንን ኤራን አሾ ሞኦተ» ጋይዳ።19ፋርዛ ቶግዳይራን ኦልንትዙንራ ኦልንቶደስ ሳአ ካቱንን ኡንትስ ኦልንትዘ ኦላንቹን ፈቲ በሳ ሺቀዝን ብእዳ።20የዝን ጾዘን ኤ ሱንተ ክሌ ባዝ ኦችደ ጾዘ ማላ ኤክደን ኤ ምስልቶ ጎይንዱንና ባልደ ዎርዶ ናብዘ ኤራ ዎላ አይክንትዳ። ላምኡንን ዲነ ኤጽዘ ታማ አባ ፋጻ ኦልንትዳ።21አትዱን ፋራ ቶግዳይ ዶናፓ ከዝዘ ማሻራ Ꮉይቂዳ። ላንዱን ኡባ ኡን አሽቶ ሙእ ምዥዳ።