Otkrivenje18rmy_gur
Peripe e Vaviloneso
1Pale gova dikhljem avere anđelo sar uljol taro nebo. Le sasa baro vlast thaj i phuv svetlisada tare leso baro sjaj.2Thaj vov phenda bare glasosa:“Pelo! Pelo o baro foro, o Vavilon!Ćerdilo baro čher e benđengo,sklonište sa e melale duxurengo,gnezdo sa e melale čirikljengo,sklonište sa e melale thaj e odvratnone zverurengo.3Sa e narodura matile e moljasatare lesi holi thaj tare leso blud.E phuvaće carura lesa mukhlje pe ano blud,thaj e phuvaće manuša save biknen thaj ćinenbarvajle tare leso baro raskoš.”4Tegani šundem aver glaso taro nebo sar vaćarol:
“Ikljen gothar, mingre manušalen! Ma aven učesnikura ane leso greh,gija te ma aračhen tumen lese nevolje save ka aven pe leste!5Golese kaj lese grehura ćidije pe thaj barile dži o nebo,a o Dol dija gođi tare leso bilačhipe.6Poćinen e bludnicaće sar so voj poćinda tumenđe,irin laće duj droma baše laće buća.Ano tahtaj savo averenđe spremisada,čhuven laće duj droma po zurali mol.7Den la muke thaj žal gaći,kobor pese dija raskoš thaj slava!Golese kaj phenol ane po ilo:‘Bešav ko mo presto sar carica.Naj sem udovica thaj žal ni ka dikhav!’8Golese ane jekh đive ka peren pe late sa kala nevolje:o meripe, žal thaj o bokhalipe.Ka xal la i jag,golese kaj si zuralo o Gospod o Dol savo sudil la.9Pale late ka roven thaj ka tugujin sa e carura e phuvaće save lasa mukhlje pe ano blud thaj uživisade ane lako raskoš, kana ka dičhen o čuro e jagako ane savo phabol.10Daravne laće mukencar ka ačhen dur thaj ka vaćaren:
‘Jao, jao, bareja forona, Vavilone, zurale forona,golese kaj ane jekh sato avilo ćiro sudo!’11E phuvaće manuša save biknen thaj ćinen, ka roven thaj ka tugujin pale leste, golese so khoni ni ćinol lenđi roba:12o zlato, o srebro, e kuč bara, e bisera, e lanena čaršafura, e purpurna šeja, i svila, e lole fostanura thaj sa e kašta save lačhe mirišin, sa e predmetura tare sloneso kokalo thaj taro kuč kaš, tari bronza, taro sastren thaj taro mramor,13o cimet, e začinura, e mirisura, e pomastura, o tamjano, e molja, e uljura, o parno aro, o điv, i stoka, e bakre, e grasta thaj e vordona, e robura thaj e duše e manušenđe.14Našlo tutar o šukaripe baše savo žudisada ći duša thaj sa ćiro raskoš thaj o sjaj hasajlo thaj ni ka aračhe le nikad više.15E manuša save biknena thaj ćinena sa golesa thaj zbog late barvajle, daravne laće mukencar ka ačhen dur. Ka roven thaj ka tugujin16thaj ka den vika:
‘Jao! Jao! Bareja forona,so sana urado ano laneno čaršafi, ano purpur thaj ano lolo,thaj sana ukrasimo zlatosa, e kučale barencar thaj biserencar!17A sa gova barvalipe ane jekh sato sasa uništimo!’Sa e kormilara, e putnikura, sa e mornara ane brodura thaj kola so živina taro more ačhile dur taro foro.18Kana dikhlje o čuro e jagako ane savi phabol, dije vika zurale: ‘Savo foro sasa sar kava, gaći baro?’19Čhute praho pe pumare šore thaj lije te roven thaj te tugujin. Dije vika:
‘Jao! Jao! Bareja forona!Savoren saven sasa brodura ko more,barvajle tare leso izobilje!A uništimo sasa ane jekh sato!’20Veseli tut pe leste, Nebo!Veselin tumen pe leste,Devlese manušalen, apostoluralen thaj prorokuralen!Golese kaj o Dol sudisada le gijasar vov sudisada tumenđe!”21Tegani jekh zuralo anđelo lija jekh bar, savo sasa baro sar evodenicako thaj čhudija le ano more vaćarindoj:“Gija zuraleste ka avol čhudimo o Vavilon, o foro o baro,thaj ka hasardol baše sa e đivesa.22Muzika e harfaći, o glaso e muzičarengo,e flautistura thaj e trubačurani ka šundon ane tute nikad više.Nikad više ni ka arakhadon ane tutezanatlije taro bilo savo zanato.Ni ka šundol o bar tari vodenicaane tute nikad više.23O svetlost tari svetiljkani ka svetlil ane tute nikad više,niti o glaso e borako thaj e mladoženjasoni ka šundon ane tute nikad više,golese so ćire, kola so biknena thaj ćinenasesa gospodara ki phuvthaj ćiro dikhljaripe inđardaano xoxaipe sa e naroduren.24Kava foro si bango bašo rat e prorokurengo,e Devlese manušengo thaj sa kolengoso sesa mudarde ki phuv.”