Zahéri18rhg_ctw

Babilon cóor forigiyói

1Híin baade añí ar eggwá fírista deikkí zibá asman ottu lami aiyér; íba ttu ḍoóñr kémota asé, aar duniyai íbar tozolliye foór óigiyoi.2Íba ye zure guzori hoór de,“Forigiyói, ḍoóñr Babilon forigiyói!Híba bút ókkol tákibar zaga,fottí hóraf jin or aḍḍa-hána,edde hárr ḍóilla nafakedde gínayi faik or aḍḍa-hána bonigiyói.3Kiyólla-hoilé tamám koum ókkol tohhíbar zenákarir azzur córab hái ṭuúl óigiyoi;duniyair baáñcca ókkole híba llói zená goijjé,aar duniyair códor ókkol híbar ayacir aṭalikka dón-doulote tuangor óigiyoi.”4Tarfore añí asman ottu ar ekgwá abas fúinni, eén hoór de,“Ó añr bonda ókkol, tuáñra híba ttu neeli aáizogoi,zeéne tuáñra híbar gunát córik no,aar híbar honó afot tuáñrar uore nu aiyé;5kiyólla-hoilé híbar guná toh asman or héddur foijjonto uñsol ot foóñicce,aar Alla ye híbar nafórmani ókkol monot goijjé.6Híba ye zendilla goijjé héndilla tuáñra yó híba re goró;híba re híbar ham mozin dui gun bicí bodola doh.Ze fiyalat híba ye oinno zon olla nicá miyáldiye,hé fiyalat mazé híba lla aró dui gun bicí nicá miyál dóh.7Híba re eddúr azab edde duk doh,zeddúr híba ye nizoré nize ḍoóñr kúwalaiye edde ayaciye zindigi haṛaiyé,kiyólla-hoilé híba ye nizor dile-dile hoó de,‘Añí rani ísafe boiṛá así;añí hóno rari no,añr ttu honódin ferecan óibar nái.’8Hétolla toh ek din or bútore híbar afot híbar uore aáizayboi,yáni moot, ferecani, edde raṭ.Aar híba re ooin di furiféla zaybo,kiyólla-hoilé híba re bisar-goróya Malik Alla toh taakotwala.”9Duniyair baáñcca ókkol zetará híba llói zená goijjé aar ayaci goijjé, ítara híba zoler de dúañ dekí híba lla hañdahaṛi goríbo edde bicí ferecani zahér goríbo.10Ítara híbar azab dekí ḍoore dur óttu tíyai hoibó de,“Ó ḍoóñr cóor Babilon, ó mozbut cóor,afsús, tor uore afsús!Hom ṭaim or bútore toh tor sáñza aáigiyoi.”11Duniyair códor ókkole híba lla hañdahaṛi goríbo edde ferecani zahér goríbo, kiyólla-hoilé ítarar malsámana ókkol ar honókiye no kiner.12Hé malsámana óilde: cúna, rufa, kimoti fattór edde mukta; barík faṛor-hoor, bayoinna rong or hoor, recóm hoor edde kirmis rong or hoor; hárr kisím or kúcbo gas, áñtir dat ottu banaiya ḍoilla-boḍoilla jiníc ókkol, edde dami gas ottu, fitol ottu, luwá ttu edde marból ottu banaiya ḍoilla-boḍoilla jiníc ókkol;13gas or sál, mosólla, agórbatti, añtor, luban, anggur or córab, tel, moida, giyuñ, goru, bérasóol, gúra, gúra-garí, edde gulam ókkol.14Hé códor ókkole hoibó de, “Tui ze fólfola faito azzu goijjíli híin tor hañsóttu dur óigiyoi, aar tor tuangorir edde cúndor or jiníc beggún tor héntu gaib óigiyoi, maincé híin ore ar loot no faibo.”15Hé jiníc or códor ókkol zetará híbar zoriya tuangor óigiyoi, ítara híbar azab dekí ḍoore duré tíyai tákibo. Ítara hañdahaṛi edde bilak goríbo,16eén hoói-hoói,“Ó ḍoóñr cóor, afsús, tor uore afsús,zibá barík faṛor-hoor, bayoinna rong or hoor edde kirmis rong or hoor findá,aar cúna, kimoti fattór, edde mukta loi háñzaiya;17kiyólla-hoilé hom ṭaim or bútore edún dón-doulot toh dónco óigiyoi!”Zaáñs or hárr mazí, hárr facíndar edde séraingga, aar zedúne doijjat ham gorí sole, ítara beggún duré tíyai tákibo.18Híba zoler de dúañ dekí ítara guzori hoibó de, “E ḍoóñr cóor yián or ḍóilla ar honó cóor accíl níki?”19Ítara nizor matát dúil maribó, aar hañdi-hañdi edde bilak gorí-gorí guzori hoibó de,“Afsús, hé ḍoóñr cóor or uore afsús,zibár dón-doulotedoijjar tamám zaáñs ola ókkol tuangor óiye,kiyólla-hoilé híba re toh hom ṭaim or bútore dónco gorífela gíyeh!”
20Ó asman, Allar pak bonda ókkol, rosúl ókkol, edde nobi ókkol,híbar uore ziyán óiye híyan olla kúci goró;kiyólla-hoilé Alla ye insáf goríhíba ttu tuáñrar bodola loifélaiye.21Tarfore eggwá taakotwala fírista ye ḍoóñr sakkir ḍóilla éggwa fattór tulí looi doijjat melámari hoór de,“Endilla zure ḍoóñr cóor Babilon ore félaidiya zaybo.Híba re ar honódin faa no zaybo.22Bina-bazoyar, tal-bazoyar, bací-bazoyar edde cíañ-matoyar abasar honódin tor bútore fúna no zaybo;tor bútore ar honódinhonó ḍóilla mistírir códori faa no zaybo;tor bútore honó sakkir abasar honódin fúna no zaybo.23Tor bútore serak or foórear honódin foór no dibo;dulá edde dulír abas tor bútorear honódin fúna no zaybo;kiyólla-hoilé tor códor ókkol toh duniyair ḍoóñr manúc accíl,aar tor jadugari loi tamám koum ókkol gollot ot giiyói.24Híbar bútore nobi ókkol or, Allar pak bonda ókkol or,edde uitará beggún or lou faa giyéh zetará re duniyait kún gorá gíyeh.”
expand_more
Search