1Ego sa jola inara sa vei sa qa batia mule sa kai goto mateana sa lagere vei pa noka. Sa isongia na neqi lavatana jola sisa beto na malakapina sa vakaberia sa na kasia gusu.2Sa vevela viviva vei pira sisa,<<Sa vukele tajagara! Vukele tajegara!I Babiloni, na kuta gugusu lavata!Ko kopira na dia ia susuverena na tomate,na dia gusu susuverena ira na ongu ikikeredi,na susuverena tadira na manugu tatavadi,nake liosodi beto qaike tatavaragua.3Ura na ona vaini bisibosinasa vabuku digereniria sira doru pupuku tinoni.Beto ira na babangara pa pesosa qai roiti vabosi tavitia sisa.Beto ko ira na tinoni qai vaivavai lao lamesa qai isisongo talenia sa na roiti vabosi tana,>> sau.4Beto qa nongoria mule ara sa kai ovovele sa lagere vei pa noka, pira sau,<<Mu votu taloa lame pana gugusu isasagou na qua tinoni,ko muke somananiana uana ikikerena tana,ko muke somana gosoriana vinakilasa tana!5Ura qai vaitotopare sae pa nokasa na sela tana,beto ko sake koroto roquria na Tamasasira na roiti ikikeredi tana.6Mu roiti laonia tanasisa vei sa roiti laonia isa tadira goto,vatamo ruania padana nona roitisa na vinakilasa tana,na ona kapa sa mu vatamo ruaniana neqina na buku sa vaivabuku vadigerenia.7Kai muqisi vei sa valavata mulenia mekanabeto sa suvere vatatalegana,poni sa ao ba mu vania tuguna vitigi beto na takulanga.Ura pa bulona pira sau sisa,<Na kalao qa toqo bangara sara, nake nanaboko sara,beto ko na takulanga manake isongo gosoria,> sau.8Ko sa vei sa na oja mina gosororia isasa mai mekarai raja pana kai rane gu:na mate, na takulanga, beto na songe.Beto mina tavurungu pana iku,ura na Bangara na Tamasa mina vakilasia isasa na vivana jola,>> sau sa na ovovele pa noka.9Beto ira na bangara pa peso, ira qai somana roiti vabosi tavitia isa beto qai suvere vatalegadia vei isa, sa mai lukana beto mai lukana takulangania sisa, tonai mai batia na tulana na iku sa gania isa.10Ira kode mai turu pa souna tu, ura qai matagutu kita mai somana tavavitigi qarigu, beto pira marigu,<<Vaivatakulanga jola! Vaivatakulanga jola!Na kuta gugusu lavata!Babiloni, na kuta gugusu neqina jola!Pana kai totoso papakana gusa sa kamugo na vinakilasa!>> marigu.11Ira na tinoni vavai pa peso mai lukana takulangania sisa, ura kepore mule na tinoni bi vaitekuria na dia sakasava.12Kepore tugu bi vairia na dia qolo, na siliva, na patu poreveveidi beto na patu kikilangadi, beto ko vei tugu ira na poko lineni, na poko jijimiridi, na kala davala, na silika. Na gou umumanga jongadi qaike boka vavainiria, na barasi, na aeana, na patu mabolo sa sae na vaidi qaike boka vairia, beto kai sava qai gigalania na aivori sa taroiti pana livo manugu, beto na gou poreveveidi.13Beto na oela umumanga jonga na vuvurunguna, na pepiumu umumanga jonga. Beto ko vei tugu na vavakukuvu ruqa umanga jonga, na moa. Beto na vaini, na oela olive, na palava, na vuiti, beto vei tugu na bulumakau, na sipi, na hose beto na totopili qai ragataria beto vei tugu na pinausu qai tavai teku.14Qai paranga lao pana tana sira na tinoni vavai,<<Ira doru sakasava qu nyonyorogua jolaniria aosa qai tateku pale pana tamu.Beto doru sakasa qai bata jonga beto qai kilangasa qai mumuridia pana tamu,ko kopira munake isongo bati liguria!>> qarigu.15Ko ira na tinoni vavai qai isisongo talea na kole roiti vavai pana gusu lavata isa sa mai turu pa souna ura qai matagutu kita mai somana gosoria na vitigi tana, sa mai lukana takulangania sisa,16pira marigu,<<Vaivatakulanga jola! Vaivatakulanga jola!Sa na kuta gugusu lavata!Sa tavapopokonia na poko poreveveidi,na poko davalana beto na jijimirina,sa tavasarinia na qolo, na patu poreveveidi,beto na patu kikilangadi!17Ba pana kai totoso papakana gusa qai mumuri betodia sira na isisongo aipira!>> marigu.Ko ira doru kapini pana vaka, ira qai tuti pa vaka, beto ira na boe, ira qai roiti teku poata pa vaka, sa mai turu pa souna,18ko mai lukana sa totonai mai batia na tulana na iku sa vurungia na gugusu, ko pira marigu, <<Kepore sosoto sa kai gugusu bi poreveveina jolania na kuta gusu lavata ina!>> marigu.19Beto mai repo tarini kovuru peso na batudi beto mai lukana takulangania vei pira,<<Vaivatakulanga jola! Vaivatakulanga jola!Na kuta gugusu lavata!Ira doru poredia vaka qai rerege pa iveresa qai isisongo pana isisongo tana!Ba pana kai totoso papakana gusa qai mumuri betodia sira doru sakasava!20Mu suvere qeqera sa agou pa noka,beto agou na tinoni tana Tamasa,na tinoni tagarunumiu beto na tinoni kokorotai.Ura sa tei vakilasania tu na Tamasa isasira na ngangangulu sa roiti lamenia isa tamugou,>> marigu, sau sa na ovovele.21Beto sa sa ovulu tekua tu kai mateana neneqina sa kai patu doa lavata, ko sa gona gorenia pa ivere lavata, beto sa paranga,<<Inara mina tavakilasa veisi Babiloni na kuta gusu lavata.Mina tagona gore valupi vei na patu pa kolo,ko minake isongo tabata ligu.22Ko minake tanongoro ligu pana tamusa na ovoveledi na mike hapu, na keradi na tinoni, na kuvili!Ira na bobokadi pana okokoto roiti pa limasa maike tabata ligu pana tamu.Beto ko na ovoveledi na patu doa vavakovuru palavasa maike isongo tanongoro pana tamu.23Na kaberena na jukeminake isongo tabata ligu pana tamu,beto maike isongo tanongoro ligusa na ovoveledi ira na marene na rereko koni vaialavadi.Ira na mua tinoni vavaisa qai tinoni poreveveidi jola pa kasia gusu,beto ira doru pupuku tinonisa qai tatoni vapiru pana potana ikeredi tamu,>> sau.24Ko sa tavakilasa si Babiloni, ura sa tagoreniria isa sa na orungudi ira doru tinoni tana Tamasa, ira na tinoni kokorotai, beto ko ira doru qai tavamate pa kasia gusu!