1Abaho nimona msenga iyagwe kohumuluka kuulanga. Kakala na udahi mkulu na isi imwemweselwa kwa mng'alo wake.2Kalonga kwa sauti ng'hulu,“Kugwa! buga kulu da Babeli kugwa!Sambi kawa kae ya vinyamkelana loho zihile,kawa kae ya ndege wehile na wanyama ogevuza.3Kwavija wanhu wa isi wakoligwa kwa divai kali ya kuwatenda wasulukile ugoni wake,na wandewa wakulu wa mwiisi watenda nayo ugoni.Na wachuuza vinhu wa mwiisi wapata ugoli kwa kusulukila kwake vinhu vihile.”4Abaho mhulika sauti iyagwe kulawa kuulanga ilonga,“Wanhu zangu, segeleni kudibuga da Babeli,ili sikumuilumbe nayo mzinzambi zake,sikumupate nhaguso yake.5Kwavija nzambi zake nyingi ng'hani ziilundiza mbaka kuulanga,nayo Imulungu kazikumbuka nzambi zake.6Mtendeleni kamba viyawatendele mweye,mliheni miyanza mibili ya vija viyatendile.Mhanganyileni mkikasi chake kinhu kikali cha kung'wa miyanza mibili ya vija viyawagwelele mweye.7Mgweeni usungu na magayo makulu,kamba viyakalile kwa ugima wa kubwihila ng'hani na kuitapa.Kwavija kalonga muumoyo wake,‘Niye nokala kamba malikia! Niye sili mgane,na niye sikujuwile bule kuiyalala!’8Mbuli ya gago mikubulo impata kwa siku dimoja,mitamu na kunyunyuwala na lufilili lwa nzala.Kosomigwa moto,kwavija Mndewa Imulungu yomtagusa kana udahi.”9Wandewa wa mwiisi watendile nayo ugoni na kukala nayo ugima wa kubwihila oiyalala na kulila vonda wone yosi da kubanangigwa kwake.10Okwima kutali kwa kudumba magayo gake na olonga,“Kogaya! Kogaya gweye Babeli buga kulu dili na udahi!Kwavija kutagusigwa kwa saa dimoja diiyeka!”11Vivija wachuuza vinhu wa mwiisi olila na kumuyalalila, kwavija kuduhu munhu kabili yogula vinhu vao.12Kuduhu munhu kabili yogula zahabu hebu sente hebu mabwe ga bei ng'hulu na lulu hebu kitani na viwalo va langi ya zambalau hebu nzabi zinogile hebu viwalo vidung'hu, mibiki inung'hila goya, viya va mhembe za nhembo, viya va mibiki ya bei ng'hulu ng'hani, viya va shaba na zuma na malumalu,13mdalasini na vinhu va kugela mwiimboga na ubani na manemane na udi na divai na mavuta na usage na ngano na ng'ombe na ng'hondolo, falasi na mituka ya kubulula, watumwa na ugima wa wanhu.14Wao wachuuza vinhu omulongela, “Vinhu vose vinogile viubetele visegela, na ugoli na ukulu ukuhonyoka, na hudaha kuvipata kabili!”15Wanhu ochuuza vinhu wapatile ugoli mbuli ya buga dijo, okwima kutali mbuli ya bwembwe da magayo gake, oiyalala na kulila,16olonga,“Kugaya! Kugaya buga kulu!Kuzoela kuvala viwalo va kitani na langi ya zambalau na udung'hu,na kuihamba kwa vinhu va zahabu na mabwe ga bei ng'hulu na lulu!17Kwa saa dimoja diiyeka ugoli wako upotela!”Abaho walosaji wose na wanhu okwela meli, na wanhu osang'hana mwiimeli na wanhu wose osang'hana mbahali, wema kutali,18viwajone yosi da moto ukalile udilukuza walila kwa sauti, “Hadina lawilila buga diyagwe kamba buga dino kulu!”19Wagoga mapala gao, walila na kuiyalala,“Kugaya! Kugaya buga kulu!Kwavija wanhu wose weli na meli zigenda mbahaliwapata ugoli kubitila ugoli wako.Na kwa saa dimoja diiyeka kwagiza kila kinhu!”20Ulanga, deng'helela mbuli ya kunangika kwake.Wanhu wa Imulungu na watumigwa na watula ndagu, deng'heleleni!Kwavija Imulungu kaditagusa mbuli ya gaja gayasang'hane kumwenu.21Abaho, msenga imoja wa kuulanga yeli na udahi kenula dibwe diigalile na dibwe kulu da kudugila, kajasa mbahali kuno kolonga,“Vino vivo vonda jasigwe kwa nguvu,buga kulu da Babelina honda joneke kabili.22Sauti za bango na sauti za vilonge longe na mhalati,honda zihulikigwe kabili mgati mwako!Kuduhu munhu yoyose yosang'hanayonda yahulikigwe kabili mgati mmwako,hebu sauti za dibwe da kudugilahonda zihulikigwe kabili mgati mmwako.23Mulenge wa taa honda oneke kabili mgati mmwako,na sauti ya munhu yosola na mtwanzi yosoligwahonda zihulikigwe kabili mgati mmwako.Wachuuza vinhu wako wakala wakulu mwiisina kwa uhawi wako kuwagiza wanhu wose wa mwiisi!”24Buga dijo da Babeli ditagusigwa kwavija mgati mmwake yoneka damu ya watula ndagu wa Imulungu na damu ya wanhu wa Imulungu na damu ya wanhu wose wakomigwe mwiisi.