Read Chongphuong 15

Chongphuong15sch_twf

Vântîrtonngei leh anûktak ripuingei

¹Hanchu invâna misîrtheiloi neinun dang, roiipuitak le kamâmom ku mua. Mahan vântîrtonngei sari leh ripuingei sari an oma, maha anûktakna ania, Pathien taksina misîrna mongnatak ngei an ni zoi sikin.²Hanchu mei leh ânpol lîm-en tuikhanglien phuozek ku mua. Sarâng menepu ngei rimil le riming number dônpu ngei khom ku mu ngei sa. Anni ngei hah Pathien'n a pêk ngei serândangei chôiin lîm-en tuikhanglien kôla an indinga³male Pathien tîrlâm, Moses lâ, le Belrite lâ hah an thoa:“Pumapa Pathien Râtinchung,ni sinthongei chu idôra roiinpui le kamâmom mo ani zoi!Namtinngei Rêngpa,na lampuingei chu adikin asa tatak!⁴Pumapa tumo nang rin loia ânding loi rang?Tumo no roiinpuina phuong nuomloi rang?Nangma vai ke ânthieng ni ni.Namtinngei hong an tamale chubai nang mûk an tih,ni sintho adik ngei hah mi murdi'n an mu sikin.”⁵Masuole han invâna biekin ân-ong ku mua, asûnga han Puon In Inthieng aoma.⁶Vântîrtonngei sari ripuingei sari chôi ngei hah biekin renga an hong jôka, puoninnêm ânthieng ântêrdap leh invôn an rôpngei han rângkachak kongrûingei an khita.⁷Hanchu iring parân minli ngei lâia inkhat han vântîrton sari ngei kôm han Pathien tuonsôt tuonsôta ring titpu taksina sip, rângkachak khuriâingei sari a pêka.⁸Biekin hah Pathien roiinpuina leh sinthotheina meikhûn asip zoia, male vântîrton sari ngeiin ripuingei sari an hongchôi hah ahek mâka chu Pathien biekina han tute lût thei mak ngei.

Chongphuong 15 / sch_twf

Vântîrtonngei leh anûktak ripuingei

Chongphuong15sch_twf