Zuihouku Zeinanni Bareisan Dolon Qienxien
1Bi pse chanlase asimande da nie zunji wine. Fugie, ghudure no wo. Dolon qienxien dolon zeinanni bareizho. Eneshi zuihouku zeinan wo. Hudai hokuku eneghala barane.2Bi chanlase khan huisan boli mutun hai wine. Yewo, yewoni nigieda, yewoni nierei daibio giesan shuzise injisan kunla boli hai jiere beizhi Hudai qinni bareidene3Hudai hoji Musai don, ghoni ghughanyi donni doulazhi kieliezho,"Ezhan Huda, fugie nenlituya,chii gieku fama wo, ghudure wo!Soyuji gojiani honshanya,chii mo gundan wo, zhen wo!4Ezhan, zinie chishi zhiguitu wo.Kien chii ulie zunjizhichii nierei ulie kuaine?Soyuji gojiala irezhi chii beiikushichi gundande giekune khizheghazho."5Enense khuinashi bi chanlase asiman jiere dajien keizho. Eneshi ganzhen beiku zhanfan wo.6Dajiense dolon zeinanni gonjisan dolon qienxien khizhewo. Ganjin, gieghantu gou jien musizhi echan jierene antanni popu banlazho.7Jieran amitu ojien dundadu niekozi chanqi izhi amituku Hudai hokukui zhonlozhi durughasan dolon antanni ighai dolon qienxiende ogiwo.8Hudai fama, nenlighala dajiende funi duruzho. Dolon qienxien dolon zeinanni bouzhezhi baraghatula kiema dajiende oro dane.