Maachiton dawiza
1Yinnippa suuba, salo damma malla benttida. Awa ma77ide, aginalla eqqide, taphpho lam77i xoolintto worqqa zawude fa ommite gaddide, fettii maachita yene.2Yinna maachita wodatsi yezin, izo yelo dha7e aykkin un7intti uukkida.3Mahi melle malla salo benttida. Laappun omman taphphi gumuri yeze damma zoqo dawa benttida. E fa ommuntsalla afa laappun worqqa zawuduntsana gaddida.4Ye dawize fa unkkite xooluntto hyaydzappa fettii kushito saloppa gochchi sa7a olida. Ye dawize na7ay yelintti wodhdhide fana qoodhdhodes koyi, yelodes dha7inttize maachiti tiintte eqqida.5Yinna maachita ka7itumo ubba meqo gufera ahodes yeze dhiiratsi na7a yelida. Na7ay Xoozagon E araatizego salo ekinttida.6Maachita 1260 qamma yellodes izo naagode fana Xoozii iis giigizii gaddide bessa akko baayze sa7a aachinttida.7Salo ola medhinttida. Mika7eele fa kiitanchchuntsara wolla dawara olinttida; dawize fa kiitanchchuntsara maaqqii mahi olinttida.8Yezin dawize gaminttin salo unttis yeze bessi dhabida.9Damma dawize, zaga shooshe, sa7a wodhdhida. Ezin Dabuloosa woy Xalahe ga7inttize alame balitsizaya. E fa kiitanchchuntsara wolla sulle alame olinttida.10Yinnippa suuba, salo hyannigaara yagaaze qaala si7ida.«Hyatte atotitsi, wolqqan ka7itumo, nu Xoozzes;adetits wolqqa Kiristtoosas maaqqida.Yikke, qamman awara Xoozze tiintte,nu ishuntsana mootizay saloppa sulle olinttida.11Un durize suutsiten fa markkatitsi qaaltte,eza olii gamida.Un fa shemppitis yiqsinttikaayzarafana hyayqos aatsii inggida.12Yinnii gisho, salon E gidda yezuntso ufayttote.Yezin sa7an abba bade!Yikke, Dabuloosa faas eerats wode attidanno eride gishodamma hyanqora yinttago wodhdhida»yagayda.13Mahi dawize fana sa7a olidanno bi7ide wode dhiiratsi na7a yelide maachito bay7ida.14Maachito shooshe qohaame gaar hyaydzdzii beren bagga mu7iteran uzhitera iza naaginttize bessi akko baayze ganasa firii qitode gaar lam77i damma ankko qefe iis ingginttida.15Yeyzi, maachito hyaro goggii shokkii ekkode fana dawize borkka hyaatsi fana fa doonappa maachiti suubara coozhida.16Yezin sa7ita maachito maaddida; sa7ita fa doontto bugii dawize doonappa kezide hyaatsito qoodhdhida.17Ye dawize maachitilla afa gaama shenidhii, I zaruntsana, Xoozze kiita naagizuntsanan Yesuusa qonccizide turetitsitis ammanittiduntsana olodes hyanggi,18dawize abba gaxa yeze shaftte eqqida.