Ghua Ganzhen Beisan Kun
1Made nie zhugunyi xianlitu chizii ogizhi kieliezho, "Bosizhedene Hudai dajien, sidagha gieku teizi, pse hhende libai giesan kunlai nanji.2Dajienni ghadanedu yenzii bu nanji, hhei niman kunlade ogizho. Hhela zhiguitu chenshini 42 gie sara tai pindaghane.3Bi ghua ganzhen beisan kundene madei jien musighazhi qienli ogidene 1260 qien Hudai daolini kielieghane."4Hhelashi duyai Ezhanyi melie beisan ghua ganlan mutun, ghua zhula teizi wo.5Kien hhelai heine giese hhelai amanse khan khizhezhi duitoulai sidera widaghane. Hhelai heine giesanlai kenjin ingiezhi alane.6Ene ghualade Hudai kielienyi kielieku udude asimanni menjighadene ghura ulie boughaku nenli wine. Pse usulai chusun gholughazhi da goyane isizhe yanyanji zeinanghala duyai eghiku nenli wine.7Hhela ganzhen bei balukude jizi witu nokiense khizhesan yewo hhelare eghinduzhi injidene hhelai alane.8Hhelani fugusan beyeni fugie chenshini geidoude jiene. Ene chenshini bilazhi kieliese Sodomaye giene, Aijiye giene, jiushi hhelai Ezhanni shizijia jiere ghada alasan oron wo.9Go minzu, go pai, go kielien, go gojialase iresan kunla hhelai fugusan beyei ghurudu zharun xihan uzhezhi mezade ulie teighane.10Ene ghua xienzhila zemin jiere sousan kunlai tendun shouighazhi daozho, ingiese zemin jiere sousan kunla hhela fugusande bayasuzhi nieniedene mure khughone.11Ghurudu zharun daodene amin bitu ho Hudai hhense hhelai sudoro orose hhela bosizhewo. Hhelai chanlasan kunla hende ayizho.12Ghua xienzhi sonosuse asimanse fugie shenqi hhelade kieliezho, "Enende khizhe." Hhela olienre hhantu asimande khiwo. Duitoulaniye chanlawo.13Zhen ingiekude zemin hende gojioluzhi chenshini 10 fenzhi 1 tairezho. Zemin gojioluzhi fugusan kun 7000 gie wo. Feiliesan kunla ayizhi kuaikui asiman jieredu Hudade ogizho.14Ji 2 gie zeinan daowo. Uzhe, ji 3 gie zeinan deigo irene.Ji 7 Gie Labani Feiliezho
15Ji 7 gie qienxien labani feiliese asimande fugie shenqila bizhi kieliezho,"Duyani gojia mai Ezhanji hhe teisan Mexihani gojia gholuwo.Hhe chanqi izhi honshan danlane."16Hudai melie goya wizide sousan 24 gie zhanlao papaladene Hudai beiizhi17kieliezho,"Edeku, eqighanku Ezhan, nenlitu Huda,bijien chade mafan kielieye.Chi fugie nenli bareizhi honshan danlawo.18Gojiala noiwoma,chii hokuku irewo.Fugusan kunni panjiku shihou,chii hoji, xienzhi, shentu,jien chii jilasan kunfugiei gajiniji jianli linlaku shihou,Pse duyani pohai giesanlai chi widaghaku shihou irewo."19Ingiekude asimandedu Hudai dajien keizhi sudoroni kielien yenjisan xianzini uzhe shidane. Pse shanjien, fugie shenqi, olien tunguliesan, zemin gojiolusan, fugie mendou wine.