1ኤሶን ሀናናዉ ደእያባ ባ አይለታ በሳና መላ ፆሳይ እያዉ እምዳ የሱስ ክርስቶሳ ቆንጨይ ሀይሳ። የሱሲ ባ ኪታንቹዋ ኪትድ፥ ባ አይልያ ዮሃንሳስ ቆንጭስስ።2ዮሃንስ ፆሳ ኪታ፥ የሱስ ክርስቶሲ ኦዳባነ ኦድዳባ ኡባ ማርካትስ።3ሀ ኡባይ ሀናናዉ ዎደይ ማትዳ ግሾ፥ ሀ ትንብተ ቃላ ናባብያ ኦንካ አንጀትዳይሳ፤ ቃስ ሀ ቃላ ስኤይሳትነ ፃፈትዳ ኪታ ናግያ ኡባይ አንጀትዳይሳታ።
ዎሳ ኬታስ ኪተትዳ ሳሮ
4ሀ ዳብዳበይ፥ ዮሃንሳፐ፥ ኢሰ ቢታን ደእያ ላፑን ዎሳ ኬታስ ፃፈትስ። ካሰካ፥ ሀእካ ደእያ፥ ስንፈካ ያናዉ ደእያ ፆሳፈ፥ ቃስ እያ አራታ ስንን ደእያ ላፑን አያናታፐ፥ ሄሳዳካ፥ ሀይቆፐ ደንዶን ኮይሮ ግድዳይሳፈ፥ ሳኣ ካዎታ ሃርያ አማነትያ ማርካ ግድዳ የሱስ ክርስቶሳፐ፥ አ ኬሀተይነ ሳሮተይ ህንተዉ ግዶ። የሱሲ ኑና ሲቄስ፥ ቃስ ባ ሱን ናጋራ አይለተፈ ኑና ላአ ከስስ።6ኑኒ ፆሳ እያ አዋስ ኦና መላ ኑና ካዎተ ካህነ ኦስ። እያዉ መርናፐ መርና ጋካናዉ ቦንቾይነ ዎልቃይ ግዶ። አምንእ።7ሄኮ፥ የሱሲ ሻራራ ዬስ። አሳ ኡባይ ሀር አቶሽን፥ እያ ጫድዳ አሳይካ እያ በአና። ሳአን ደእያ አሳ ኡባይ እያ ግሾ ዬካና። ሄስ ቱማ ሀናና! አምንእ።8“ካሰካ፥ ሀእካ ደኤይስ፥ ስንፈካ ያና ጎዳይ፥ ኡባፈ ዎልቃማ ፆሳይ፥ አልፋነ ኦመግ ታና”ያጌስ ጎዳ ፆሳይ።ጎዳ ቆንጨ
9ታኒ፥ ዮሃንስ፥ ህንተ እሻይ፥ ህንተራ እስፈ የሱሳን ዋይያ፥ እያ ካዎተነ እያ ዳንዳኣ በአስ። ታኒ ፆሳ ቃላ ግሾነ የሱሳባ ማርካትዳ ግሾ፥ ዩሾይ አባን ተቀትዳ ቢታን፥ ፓፅሞን ደአይስ።10ጎዳ ጋላሳን ታ ጌሻ አያናን ሃረታዳ ደአይስ፤ ታፐ ጉየራ ሞይዘ ፑኖ መላ ግታ ግርስ ስአስ።11ሄ ግርሳይ ታና፥ “ነ በኤይሳ ማፃፋን ፃፋዳ፥ ኢሰን ደእያ ላፑን ዎሳ ኬታስ:- ኤፈሶና፥ ሳምርኔሳ፥ ጳርጋሞና፥ ትያትሮና፥ ሳርዴሳ፥ ፍላደልፍያነ ሎዶቀ የዳ” ያግስ።12ታኒ ታዉ ኦድያ ግርሳ በአናዉ ጉየ ስማዳ ፆምፐ ዎያ ላፑን ዎርቃ ኮጫታ በአስ።13ሄ ኮጫታ ግዶን አሳ ናአ ዳነይሳ በአስ። እ አዱሳ አፍላ ባ ቶሁዋ ጋ ማእስ፥ ዎርቃ ዳንጮን ባ ትራ ዳንጭስ።14እያ ሁጰይነ እያ ብናናይ ቦ ዶርሳ እክሰ መላ ዎይኮ ሻቻ መላ ቦ፤ እያ አይፈይ ታማ ላጮ ዳኔስ።15እያ ቶሆይ ታማን ሴርድ ዞእዳ ናሰ ብራታ ዳኔስ፤ እያ ግርሳይካ ግታ ሻፋ ኮሽንቻ መላ።16እ ባ ኡሻቻ ኩሸን ላፑን ፆልንቶታ ኦይክስ። እያ ዶናፐ ናምኡ ባጋራ ቃራትዳ ማሻይ ከዬስ። እያ ሶምኦይ ሴታ ጋላሳ አዋ አይፈ ዳኔስ።17ታኒ እያ በእዳ ዎደ ሀይቅዳ አሳዳ ሀናዳ እያ ቶሁዋ ማታን ኩንዳስ። እ ባ ኡሻቻ ኩሽያ ታ ቦላ ዎድ፥ “ያዮፋ፤ ኮይሮይነ ዉርሰይ ታና።18ታኒ ደኦን ደአይስ፤ ታኒ ሀይቃስ፥ ሽን ሄኮ መር መርናዉካ ደኦን ደአይስ። ሀይቆነ ስኦለ ቁልፐይ ታ ኩሸና።19ህዛ፥ ሀእ ሀንያባነ ስንፈ ሀናናባ ነ በእዳባ ፃፋ።20ኔኒ ታ ኡሻቻ ኩሸን በእዳ ላፑን ፆልንቶታነ ላፑን ዎርቃ ኮጫታ ብርሸይ ሀይሳ፦ ላፑን ፆልንቶት ላፑን ዎሳ ኬታ ኪታንቾታ፤ ላፑን ዎርቃ ኮጫት ላፑን ዎሳ ኬታ።”