Read ዓይኑሞ ማፃኣፖ 99

ዓይኑሞ ማፃኣፖ99mdy_twf

ፆኦሲ ዼኤፒ ካኣቲ ማዔሢ

¹ናንጊና ናንጋ ጎዳ ካኣታዼኔ፤ዴራ ጎጋይቆንጎ፤ዒዚ ኪሩቤኤሎ ዑፃ ዓኣ ካኣቱሞ ዖይታ ዴዔኔ፤ሳዓኣ ዓጊፆንጎ።²ናንጊና ናንጋ ጎዳ ፂዮኔይዳ ዼኤፒኬ፤ዴሮኮ ቢያ ዑሣ ዒ ዼግ ዼጊ ጌዔኔ።³ኔኤኮ ዔያታ ዼኤፑሞና ዒጊቻ ሱንፆና ሄርሾንጎ፤ዒዚ ዱማዼያኬ።

⁴ፒዜ ዎጌ ናሽካ ዎልቆ ካኣቲዮ!ኔኤኒ ፒዜ ባኣዚ ማዺንታንዳጉዲ ማሄኔ፤ፒዜ ዎጊሢና ፂሉሞና ያይቆኦቤ ዓሶም ዔኪ ሙኬኔ።⁵ናንጊና ናንጋ ጎዳ ማዔ ኑ ፆኦዛሢ ዼግ ዼጊዱዋቴ!ቶካ ዒዛኮ ሄርቃ ሳዖይዳ ዚጉዋቴ!ዒዚ ዱማዼያኬ።⁶ዒዛም ቄኤሶ ማዔዞንሢ ባኣካ ሙሴና ዓኣሮኔና ዓኣኔ፤ሃሣ ዒዛ ሺኢቄዞንሢ ባኣካፓ ሳሙዔኤሌ ፔቴሢኬ፤ዔያታ ናንጊና ናንጋ ጎዳ ዔኤላዛዒዚ ዔያቶም ማሂ ዬሄኔ።⁷ቱርቱሮጉዲ ዔቄ ሻኣሮ ባኣኮይዳ ዒ ጌስቴኔ፤ዔያታኣ ዒዚ ዔያቶም ዒንጌ ዳምቦና ዎጎና ካፔኔ።

⁸ናንጊና ናንጋ ጎዳ ማዔ ኑ ፆኦዛሢዮ!ኔኤኒያ ዔያቶም ዬሄኔ፤ኔ ዔያቶኮ ዻቢንቶሮ ኮሜ ኮፃያ ማዔቴያኔኤኒ ዔያቶም ዓቶንጎ ጋዓ ፆኦሲኬ።⁹ናንጊና ናንጋ ጎዳ ማዔ ኑ ፆኦዛሢ ዼግ ዼጊዱዋቴ!ዒዛኮ ዱማዼ ዹካ ዒዛም ዚጉዋቴ፤ናንጊና ናንጋ ጎዳ ማዔ ኑ ፆኦዛሢ ዱማዼያኬ።

ዓይኑሞ ማፃኣፖ 99 / mdy_twf

ፆኦሲ ዼኤፒ ካኣቲ ማዔሢ

ዓይኑሞ ማፃኣፖ99mdy_twf