Lulanga lwa97shr_buk
Nyakasane Mwâmi wîrhu ayish’itwîra igulu olubanja
1Nyakasane ayîmire: igulu lishagaluke birhwa binji bicîshinge.2Omwizimya n’ebitù byacîbulwîre, byamugorha, obushinganyanya n’okurhalyalyanya, co ciriba entebe yâge edêkerîrekwo.3Ntakanjirwa omushokolîre; n’ababisha bamugosire ntakanjirwa arhabagezekwo lîno.4Emilazô yâge yo yamoleka igulu, idaho lyabwîne lyanajuguma.5Entondo zôhe kwo zidwîrhe zajongera omu masù ga Nyakasane nka muhomo, omu masù g’orhegeka igulu lyoshi.6Amalunga gadwîrhe gaganîra obushinganyanya bwâge, n’amashanja goshi gabwîne irenge lyâge.7Abagashâniza emirhi mibinje enshonyi zababumbire, na balya bacîkubagira enshanga kwo na kwo; banyamuzinda omu masù gâge bafukamire.8Yâgirwa, Siyoni ayumvîrhe anarhwamwo omunyu, n’ebishagala bya Yûda byoshi bishagalusire, erhi kutwa emmanja kwâwe kwinjà kurhuma.9Bulya oli enyanya ly’igulu lyoshi Yâgirwa, n’omu banyamuzinda boshi ntâye okuhisirekwo oku bulî.10Nyakasane azigira abashomba okubî, arhanahimwa kushîbirira obuzîne bw’abacêse bâge, yêne onabarhenza omu nfune z’abalenzi.11Obumoleke buyishîre omushinganyanya, n’ab’omurhima gushingânîne bàyishîrwe n’omwîshingo.12Sâmi muli Nyakasane mwe bashinganyanya, mukuze n’izîno lyâge litagatîfu.