Zabuli97kdc_pbt

ZABULI YA 97

1Mndewa Imulungu kotawala na isi ideng'helele,visiwa videng'helele.2Mawingu na ziza vomzunguluka,haki na kutagusa avo chanduso cha kigoda chake.3Moto olongola kuulongozi wake,na owasakaza iwanhu omdeta kila mwambu.4Lumwesa lwake lomwemwesa isi yose,isi ilola na igwaya kwa bwembwe.5Vigongo vilumbuka kamba uhota kuulongozi wa Mndewa Imulungu,kuulongozi wa Mndewa wa isi yose.6Ulanga olonga haki yake,na wanhu wose wawona ukulu wake.
7Wakone kinyala wose otambikila vinyago,awo oitapa kwa vinhu havifaya,mweye imilungu yose mfugamileni Mndewa Imulungu.8Sayuni ihulika na kudeng'helela,mabuga ga Yuda gasekelela,kwa nhaguso zako gweye Mndewa Imulungu.9Kwavija gweye Mndewa Imulungu ayo ukala uchanha,uchanha ng'hani kubanza isi yose,gweye kwa mkulu ng'hani kubanza imilungu yose.
10Mweye mumnogela Mndewa Imulungu, galemeni gehile,heyo kozikaliza loho za wanhu zake,na kowakombola kulawa mmakono ga iwanhu wehile.11Mulenge umwizila mwene haki,na deng'ho dimwizila munhu mwene moyo unogile.12Mweye wene haki mdeng'heleleni Mndewa Imulungu,na mditogole twaga jake ding'ala.
expand_more
Search