SAM97cth_bcf
BAWIPA dawk hringnae pholen la
Kasakkung: panuekhoeh
1BAWIPA ni a uk, talai lunghawi seh.Tuilumnaw hai lunghawi awh naseh.2Tâmai hoi hmonae ni a ramuk teh,lannae hoi kângingnae teha bawitungkhung a kamtuenae doeh.3A hmalah hmai a cei teh,ka kalup e tarannaw teh a kak awh.4Sumpapalik ni talai a ang sak teh,talai ni a hmu toteh a pâyaw.5Monnaw pueng teh BAWIPA hmalah,talai van pueng teh Bawipa hmalahkhoilai patetlah koung a kamyawt.6Kalvan ni a lannae hah a pâpho teh,tami pueng ni a bawilennae hah a hmu awh.7Meikaphawk thaw ka tawk e pueng,ayawmyin dawk kakâoupnaw pueng teh,kaya laihoi awm awh naseh,cathutnaw pueng ama teh bawk awh haw.8Bangkongtetpawiteh, Oe BAWIPAnange lawkcengnae dawkvah,Zion a lunghawi teh Judah canunaw hai a konawm awh.9Oe BAWIPA, nang teh talai van pueng hlak a lathueng poung lah na o.Cathut pueng lathueng vah tawm lah na o.10Nangmouh Cathut lungpataw naw,kathoute hah panuet awh nateh,ama ni a tamikathoungnaw e hringnae hah a khetyawt teh,tamikathoutnaw e kut dawk hoi a rungngang.11Tamikalannaw koe a ang teh lungthinkalannaw koe konawmnae teh ouk a pha.12Nangmouh tami kalannaw,BAWIPA koe konawm awh haw.A min kathoung hah pholen awh.