Read ዓይኑሞ ማፃኣፖ 96

ዓይኑሞ ማፃኣፖ96mdy_twf

ፆኦሲ ቢያሢኮ ዑፃ ማዔሢ

¹ናንጊና ናንጋ ጎዳም ዓኪ ዓይኑሞ ዓይናዹዋቴ!ዓጫ ቢያ ናንጊና ናንጋ ጎዳም ዓይናዹዋቴ!²ናንጊና ናንጋ ጎዳም ዓይናዹዋቴ፥ ዒዛኮ ሱንፆ ዓንጁዋቴ፤ዒዛኮ ዓውሲፆ ጉቴ ጉቴ ኬኤዙዋቴ።³ቦንቾ ዒዛኮ ዴሮ ባኣካዲቃሢ ሄርሺሳ ማዾዋ ዓሲ ቢያ ቤርታ ኬኤዙዋቴ!

⁴ናንጊና ናንጋ ጎዳ ዼኤፒኬ፤ዒዛ ሄርሻኒያ ኮይሳያኬ፤ሜሌ ካኣሽኮ ፆኦዛፓ ቢያ ዑሣዒዚ ዒጊጪንታንዳያ ኮይሳኔ።⁵ሜሌ ዴሮ ፆኦዛ ቢያ ፃላሄሮኬ፤ናንጊና ናንጋ ጎዳ ጋዓንቴ ጫሪንጮ ማዤኔ።⁶ቦንቾና ዼኤፑሞዋ ዒዛ ኮራኬ፤ዒዛኮ ጌኤዦ ማኣራ ዶዱሞና ሚዛጱሞና ዓኣኔ።

⁷ሳዖይዳ ናንጋ ዴራ ናንጊና ናንጋ ጎዳ ጋላቱዋቴ!ዒዛኮ ቦንቾና ዎልቆናሮ ዒዛ ጋላቱዋቴ።⁸ናንጊና ናንጋ ጎዳ ሱንፆም ቦንቾ ዒንጉዋቴ፤ዒንጎ ባኣዚ ዓርቂ ዒዛኮ ዓሳ ቡካ ጶኦኮ ጌሉዋቴ።⁹ዒዛኮ ዱማዼያ ማዔ ዼኤፑሞሮ ዒዛም ዚጉዋቴ፤ሳዓ ቢያ ዒዛ ቤርታ ጎጋይቁዋቴ።

¹⁰ዴሮ ቢያሢ ባኣካ፦ «ናንጊና ናንጋ ጎዳ ካኣታዼኔ!» ጎዑዋቴ፤ሳዔላ ዶዲና ማዢንቴሢሮ ዓጊፃዓኬ፤ዓሲም ቢያ ዒ ፒዙሞና ዎጋኔ።¹¹ጫሪንጫ ዎዛዹዋቴ! ሳዔሌ ኔኤኒያ ዎዛዼ!ባዞንታ ዬያይዳ ዓኣ ባካ ቢያ ዑኡዞ ዋይዚሱዋቴ።¹²ጎዦንታ ጊዳ ዓኣ ባካኣ ቢያ ፂኩዋቴ!ያዺ ማዓዛ ካዮ ሚፃ ቢያ ዎዛና ዓይናዻንዳኔ።¹³ዒዚ ሙካንዳኔ፤ናንጊና ናንጋ ጎዳ ቤርታ ዔያታ ዓይናዻንዳኔ፤ሳዖይዳ ዎጋኒ ዒ ሙካንዳኔ፤ሳዖይዳ ፂሉሞና ዴሮ ዑፃ ጎኑሞና ዎጋንዳኔ።

ዓይኑሞ ማፃኣፖ 96 / mdy_twf

ፆኦሲ ቢያሢኮ ዑፃ ማዔሢ

ዓይኑሞ ማፃኣፖ96mdy_twf