Nɨawari96hch_wb2
1Yawé hetsiemieme xekeneutakwika kwikari hekwame,Yawé hetsiemieme xekenekwikani, teɨteri yunaitɨ kwiepa xemɨtama.2Yawé hetsiemieme xekenekwikani, xekenenɨawani,xekenekuxatani tukarikɨ kemɨrayu'iwa.3Nuiwarite watsata xekenekuxatani witsikemɨ'ane,meta mariwemekɨ kemɨtiyuriene xekenekuxatani yunaime teɨteri watsata.4Kanimariweni Yawé, hetsiena pɨtinakeni witsimɨtikɨhɨawarɨwanikɨ,matsi waɨkawa makaxiwatɨ keyuri hipatɨ kakaɨyarixi.5Yunaitɨ nuiwarite wakakaɨyarixi tixaɨtɨ mepɨkatehɨkɨ,matsi Yawé muyuawi kaniutawewieni.6Xawatɨriyaya meta kemɨtimariwe niukametemama mekanihɨkɨtɨni,witsipɨtiuye'ane meta tɨrɨkariya kanixuaweni tukieya mɨpatsieta.7Yawé xeketeneyetuiri, yunaitɨ teɨteri,Yawé yaxeketeneutahɨawi witsikemɨ'ane meta kemɨtitɨrɨkaɨye.8Yawé yaxeketeneutahɨawi witsikemɨ'ane mɨmariwekɨ hetsiena mɨtinakenikɨ,xeketenemawirieka meta takwana xekeneutahakeni.9Yawé hɨxie xekenetitunuma'uweni tukieya mɨmariweta,yunaitɨ kwiepa xemɨtama xekenayemakaxeni.10Nuiwarite mɨpaɨ meke'utiyuaneni:«Yawé pɨti'aitame».Mɨkɨ kwie putawewi,hatsuaku pɨkakuyuitɨarieni.Mɨkɨ teɨteri wahetsie pɨti'aita heitseriemekɨ.11Muyuawi meta kwie xekeneyutemamawieka.Haramara ke'utayuaneni meta yunaitɨ mana memɨteye'uwa.12Naitɨ mɨraka'etsitɨre mukumane xeyutemamawietɨ xekeneutikwikani, meta yunaitɨ mana memɨtexuawe.Naitsarie kɨyexite hɨritsie meke'utikwikani.13Yawé hɨxie xekeneutikwikani, 'ukanamieniri.'Ukanamieniri kwiepa 'aixɨa tiyurienike.Kwiepa memɨtama kaniwataxanetamɨkɨ kemɨtiheitseriekɨ,meta teɨteri wahetsie yuri mainekɨ.