Zabuli94vid_pbt

Nguluwi mtagusa wa weng'ha

1Gwa Mkulu Nguluwi, Nguluwi yalinguhilula chibida,hegwe Nguluwi mhilula chibida, wilajile.2Wime, gwa mtagusa wa isi yeng'ha,uwagaze walingidaya vyoilinguganigwa.3Mbaka hanili, gwa Mkulu Nguluwi,wehile wotowa luchenze?
4Wangulonga ulonzi wa ujuvi,wadita wihe weng'ha nawamema kidaya.5Gwa Mkulu Nguluwi, wanguwadumya wanhu wa hegwe,wanguwagaza hewo uwahagule.6Wanguwakopola wadala wafililwe na walume wawo na wajenzi,wanguwakopola walekwa.7Wangulonga, “Mkulu Nguluwi halingona hebu,Nguluwi wa Yakobo havizelele.”
8Hemwe wapoka wa kuduma, mijese hado.Hemwe msowile nyhala hanili mowa na luhala?9Yaliditile ikutu, ndaze, howeza kuhulika?Yalumbile iziho, ndaze, howeza kona?10Ndaze, yalinguwazapa wanhu wa isi howeza kugaza?Yalinguwalangusa wanhu uwanzi.11Mkulu Nguluwi kangugazela majesa ga wanhu,kanguvizela kota hagotanza chinhu.
12Gwa Mkulu Nguluwi, nakatambichizwa munhu ulingumzapa,munhu ulingumlangusa malajizo ga hegwe,13leka zuwa lya magazo yesele,mbaka wehile wabawilwe chilaga.14Mkulu Nguluwi howaleka wanhu wa heye,howatoza wahaguligwe na heye.15Kwa vila nhaguso zolavigwa kwa hachi,weng'ha wagoloche nhumbula wozibatilila.
16Whaani yawele yanhanzile kitwanza na munhu mwihe?Whaani nayawele ubanzi umwe na heni kwa chiwalo cha wehile?17Wone Mkulu Nguluwi yahalechile kunhanza,ndahawele habehi kuluta kuli isi ya wabagame.18Londijesile kota ndangutelela,gwa Mkulu Nguluwi, igano lya kwimilila lya hegwe nalinyimiza nzinzili.19Kusanzalima kwa nhumbula ya heni hokuwa kwinji lukami,hegwe kwangunyhembuliza na kusangalaza heni.
20Hegwe huweza kihanza na watagusa wehile,walinguwika mizilo ja kuwagaza wanhu.21Wangikungajiza kuwaditila wihe watanganiche,na kuwatagusa kubagama, wanhu walihela nongwa.22Ila Mkulu Nguluwi ndo ngome ya heni,Nguluwi wa heni ndo italawe lya kunyamila.23Wihe wa hewo, heye kowahilusila hewo wawo,kowadumya kwa chiwalo cha wihe wa hewo.Mkulu Nguluwi, Nguluwi wa hetwe, kowadumya.
expand_more
Search