Nɨawari94hch_wb2
1Yawé, Kakaɨyari 'ekɨ tahetsiemieme pemɨtiwarakapitɨwa,Kakaɨyari tahetsiemieme pemɨtiwarakapitɨwa, pematsiɨkɨme kene'ayeitɨa.2Kenanukukexi, 'itsɨkame 'ikɨ kwieyaritsie pemɨti'aita,yaketiniwarakapitɨa kwinimieme memɨteyuti'ɨre.3Yawé, ¿kepaukake mepɨtehayewaKakaɨyari memɨka'ayexeiya meyutemamawietɨ kememɨteyuriekɨ?4Yunaitɨ mɨkɨ 'axateyuruwamete mekanihɨkɨtɨni,niuki peraixi, meteyukatawe'erietɨ xeikɨa mekaniutiniukani.5Yawé, 'ateɨterima mepɨtiketsinarɨwa,waɨriyarika mepɨte'aitɨarie pemɨwaranayexei.6Wiuraxi mepɨwakuya, meta teewatari,metatsiere nutuite.7Mɨpaɨ me'utiyuatɨ: «Yawé pɨkaniere,Kakuwu Kakaɨyarieya 'atsipɨkatimate».8'Ikɨ xekeneuti'eniexɨa, teɨteri 'atsixemɨkatemate,¿'atsixemɨkatemate kepaukari xepeiti'enietɨkɨne?9¿Kamɨtsɨ kati'ena kemɨ'ane nakate mɨtatsihawewiriexɨa,meta kamɨtsɨ katiniere kemɨ'ane tahɨxite mutiwewi?10¿Kamɨtsɨ kataranayewaxɨani kemɨ'ane nuiwarite mɨwaranayewayameta kemɨ'ane 'ena kwiepa mɨ'ɨxatsita?11Yawé, teɨteri kememɨteyɨkɨhɨawe kaniwamaika,mɨpaɨ katinimaika kename tixaɨtɨ mekatehɨkɨ.12Yawé, keyutemawieka kemɨ'ane 'ekɨ pemanayewaya,kemɨ'ane 'ekɨ pemɨti'ɨkitɨa 'a'aitsikatsie,13minewienikɨ kayuwatɨ 'uximatɨarika tukariyari,mexi 'akuxi Kakaɨyari mɨka'ayexeiya putsuya wewiyaneni.14Yawé yuteɨterima pɨkawaku'eirieni,mɨwaranayexei pɨkawanutuita.15Xanetsika tita mɨtiheitserietsie katinitaxatamɨkɨ,kemɨ'ane 'iyari heitseriekame memexeiyani mɨkɨ mepenukuweiya.16Xewitɨ pɨkanetsi'uparewi kepauka Kakaɨyari memɨka'ayexeiya memɨnetsi'utamitsie.Nixewitɨ nehetsie nuatɨ 'axateyuruwamete pɨkawaraye'uniekai.17Xɨka Yawé kanetsi'uparewienike,yapauka nemɨme kayuwatɨ nepɨtihunikekai.18Yemekɨ 'aixɨa nekatixatawetɨ: «Nepekaharuarɨka»,Yawé, 'anaki'eriya 'upayeikakairi netsiparewienike.19Kepauka nehetsie 'iyaritɨarika waɨkawa mɨtixɨawekai,'anɨtɨarika ne'iyari pɨhɨniyakai temawierikakɨ.20'Ekɨ te'aitamete 'axamemɨte'u'iyari pepɨkawahamiku,'axa'anemekɨ memɨte'aita,21'aixɨa memɨte'u'iyari wahetsiemieme niuki 'axa'aneme memɨwewie,meta memuwakuya 'atsimemɨkate'u'iyari.22Yawé matsi nehetsie nunuwame pɨhɨkɨ,Nekakaɨyari kanihɨkɨtɨni, 'ai nemɨne'awitatsie.23Mɨkɨ 'axaxemɨte'uyurikɨ pɨtixe'akapitɨanimeta 'axaxemɨteyuriekɨ pɨxeka'una,Yawé takakaɨyari pɨxekwini.