Mazimuriyaa94dwr_ltw

S'oossay Ubbaa Bolla Pirddiyaawaa

1Abeet Med'inaa Godaw, neeni kushiyaa c'igetiyaa S'oossaa.Abeet kushiyaa c'igetiyaa S'oossaw, ne bonchchuwaa bessa.2Abeet sa'aa pirddiyaawoo, dendda;otoranchchatoo bessiyaa muruwaa imma.3Abeet Med'inaa Godaw, awude gakkanaw gam"anee?Iitatuu awude gakkanaw nashettanee?4Iitaa ootsiyaa ubbatuu,barenttu otoro k'aalaa haasayiino;unttunttu c'eek'ettiino.
5Abeet Med'inaa Godaw, unttunttu ne asaa liik'k'issiino;ne laattaa naak'k'iino.6Unttunttu am"etuwaanne betetuwaa wod'iino;aawuu bayinnawanttakka wod'iino.7Yaatiide unttunttu, «Med'inaa Goday nuuna be'enna;Yaak'ooba S'oossay akeekena» yaagiino.
8Hinttenoo, asaa giddoppe aad'd'eeda dammatoo, akeekite!Hinttenoo eeyyatoo, awude eranchcha gidanitee?9Haytsaa med'eedda S'oossay sisennee?Ayifiyaa med'd'eeddawe be'ennee?10Kawutetsaa seeriyaawe murennee?Asaa eraa tamaarissiyaawe barew erennee?11Med'inaa Goday asaa k'ofay mela gidiyaawaa eree.12Abeet Med'inaa Godaw, neeni seeriyaawennene higgiyaappe tamaarissiyaa Asay anjjetteedawaa.13Iitatuu kunddiyaa ollay bookettana gakkanaw,metuu gakkiyaa gallassan neeni Aa shemppissaasa.14Med'inaa Goday bare asaa aggena;I bare laattaa aggena.15Pirdday simmiide s'illo pirddaa gidanawaa;wozanaa suuretuu ubbay he s'illo pirddaa maaddana.
16Makkalanchchatuwaa bollata diraw denddiyaawe oonee?Iitaa ootsiyaawanttunata diraw ek'etteeddawe oonee?17Med'inaa Goday taana maaddennentto,taani ellekka duufuwaan gelaade sirp'p'i gaana shin.18Abeet Med'inaa Godaw, taani,«Ta gedii halis's'ee» yaageedda wode,aggena ne siik'uu taw zemppo gideedda.19Taana hirggay wod'iyaa wode,neeni taana woppu ootsaade nashechchaasa.20Higgiyaa baletsiyaa geella daannatuwaananeeni zuppetay?21S'illotuwaa wod'anaw unttunttu ittippe tobbetiino;suuretuwaa bolla hayk'k'uwaa pirddiino.22Gidooppenne, Med'inaa Goday taani bak'ata atteeda sa'aa;ta S'oossay taani k'osettiyaa zaallaa.23Unttunttu iitatetsaa diraw, I unttuntta murana;unttunttu nagaraa diraw, I unttuntta d'ayissana;ee, Med'inaa Goday nu S'oossay unttuntta d'ayissana.
expand_more
Search