1Ni Yave kele ntinu! Yandi kele ya kufuluka na nkembo!Yave me lwata ngolo mutindu singa ya luketo,ni yawu yina yinza kele ya kusyama,ni yawu yina mpe yawu ke ninganaka ve.2Kiti ya nge ya kintinu kele ya kusyama katuka bantangu ya ntama,katuka ntama nge kele Nzambi.3Yave, banzadi ke na kulooka,banzadi ke na kuwakisa makelele ya yawu,banzadi ke na kuwakisa makelele ya bimpo.4Makelele kulutila ya maza ya nene,makelele kulutila bimpo ya mubu,Yave ke na lulendo kuna na mazulu.5Bansalulu ya misiku ya nge kele ya tsyelika,bulongo kele ya kulunga na Yinzo ya nge,Yave yawu kele samu na bantangu nyonso.