Olwiganyo lw’omushinganyanya
1Lulanga. Lwimbo. Lwa kuyimbwa olusiku lwa Sabato.2Mushâna kuyinjiha okukuza Nyakasane, n’okuzihira izîno lyâwe we ôbà Enyanya.3Kuyinjiha okuzûkiriza omuntu olukogo lwâwe, n’okulâla omuntu ayîgâna obudahemuka bwâwe.4Lêro lulanga lwa misî ikumi naziba haguma n’erikembe, mpirekwo n’olwimbo lw’oku nzenze.5Kulya kubà Yâgirwa nêci wansîmîsize n’ebijiro byâwe, mikolo ya maboko gâwe eyi nacîtakîra.6Emikolo yâwe, alà mpu yaneneha Nyakasane! Enkengêro zâwe, alà mpu zalîha?7Omuhwinja arhishi ntyo, idâga lirhumva okwo.8Ababî banajinirira nka byâsi, ba nyankola-maligo banaminîrira, erhi na kurhemwa bayishirhemwa, liguma lya lwoshi.9Wêhe Nyamwagirwa, oyôrha ôbà w’Enyanya.10Bulya nêci abakushomba Yâgirwa, abakushomba kuhera bâhere; ba nyankola-maligo boshi kushandâla bâshandâle.11Niehe wangonyire, walirhega nka lya mbogo; wandodobeka amavurha mahyâhya.12Balya bakaziginshomba, isù lyâni lyabalolêreza na balya bakazâg’intêra, okurhwiri kwâni kwabayumvîrhiza!13Omuntu orhalyâlyanya yêne! kwo ayâna nka murhanda. Kwo amina nka nduluma ye Sedre y’e Libano.14Abà agwîsirwe omu nyumpa ya Nyakasane, omu côgo ca Nnawîrhu Nnâmahanga bayâkiza.15Bâbà bakola bali nsiku banarhengekwo amalehe, galya malehe minjà gâtwa enyôrha.16Kuderha okwo mpu, ntà buhemu muli Ye Ye kabuye kâni, ntà buhemu muli Ye.