Nɨawari92hch_wb2
Nɨawari xawatikɨ kwikarɨwame 'uxipiya tukaritsie.
1Yawé, 'aixɨa pɨ'ane pamɨpariyutsi mɨmatsipitɨakameta nɨawari mexeiyani 'ahetsiemieme, 'Amutewi 'aku,2meta 'anaki'eriya mɨmariwe mukuxatani ximeri,metatsiere ke'aixɨa pemɨtikamie tɨkarikɨ,3kanarite meta xaweri hayuanekaku,haripa hayuanekaku ketiutikwikatɨreni.4Yawé, 'ekɨ temawierikakɨ pepɨnetsihɨniya mariweme pemɨtiyurienekɨ,'ayumieme 'aixɨa nepaineni 'atɨrɨkariya 'uximayatsikaya hetsiemieme.5Yawé 'aku, waɨkawa pɨmamariwawe 'awewiya,meta pɨkayumatiwanɨa kepemɨtiku'eriwa.6Yuri memɨkate'erie 'atsimepɨkatemate,'atsimemɨkatemate mepɨkaheitimaitɨkɨka,7Kakaɨyari memɨka'ayexeiya tsepa memɨyɨra tupiriya hepaɨ,meta tsepa memutixutui,yuheyemekɨ mekaneuyehɨiyakuni.8Yawé, 'ekɨ xeikɨa yuheyemekɨ 'aixɨa pekatinahɨawarɨwamɨkɨ.9Yawé, yurikɨ mematsi'aye'unie,yurikɨ hekɨakamekɨ mekanikwikuni,metaxɨrietɨkaitɨ naitsariemekanakɨnikuni 'axateyuruwamete.10Tuuru yeutanaka tɨrɨkariyaya pepɨnetsi'upitɨa,pepɨnetsi'ukawiri witsimu'ɨa 'aixɨa mɨ'anekɨ.11Nehɨxie memɨkaxɨrienikɨ memɨnetsi'aye'unie yapepɨtiuyuri,meta ne'enatɨ kepauka memɨkwi'iwarɨmenitsie.12Takɨ hepaɨ mepɨte'uxutuwe 'aixɨa memɨte'u'iyari,kariuxa Riwanu mieme hepaɨ mepɨte'uwawere.13Yawé kie me'etsietɨ,takakaɨyari takwana mepuxutu.14Tsepa memu'ukirawetsixi, meputixuxuawereni,yuheyemekɨ metɨrɨkawitɨ metsitsiɨrawitɨ.15Meke'ihekɨatani: «Yawé heitserie kanexeiyani,mɨkɨ ne'ai kanihɨkɨtɨni, hetsiena 'axamɨti'ane pɨtiumawe».