श्येत रे प्रोंइतीके
1सु नेल्ल क्येङा ठेयब आ फाप्तीकेम बाक्बा नु नेल्ल क्येङा सक्ति पाइश्शो आ नेक्था बाक्बा,2मेकोमी परमप्रभु यावे कली “गे आं ख्रुइक्तीक नु आं बोल्यो दरवार बाक्नीनी। गे आं परमप्रभु बाक्नीनी। गो इन कली थमा सुइक्नुङ” देंब।3मेकोमी इ कली चिक्ब ग्याइक्ब मुर आ ब्वारद नु मुर साइक्ब रोइ रे प्रोंइब।4मेकोमी इ कली आ फ्रांमी फाप्ब। मिनु गे मेको आ फ्रां आगामी ख्रुइश्शा बाक्नेवे। मेको आ दाक्शा गेनायो मप्रोंइतीके इ तेक्तीक नु गारो दुम्ब।5मिनु गे नाक्दो ङा हिंतीके नु नाक्ती बेरशा जाक्ब ब्रा तशा महिंनेवे।6छिङछिङम जाक्ब मुर साइक्ब रोइ नु नाक्ती याक्सीब रोइ तशा महिंनेवे।7मिनु हजार का जना मुर इ ङोंइती साइक्चा पुंइसीनीम। मिनु इ ग्युरा गे १० हजार मुर साइक्चा पुंइसाक्म हना यो, गे साइक्चा मपुंइसीनेवे।8परमप्रभु कली मटीबपुकी दोपा क्येक्क लेत्चा पुंइसीनीमी, गे मेको ताइनेवे।9मारदे हना गे “परमप्रभु यावे आं ख्रुइक्तीके बाक्ब” देंते। मिनु गे नेल्ल क्येङा ठेयब कली इ बाक्तीक सेल्तीवी।10इ कली मारेइ मरिम्शो मदुम्ब। इ बाक्तीक आ नेक्था मारेइ हिंचा ङा मदुम्ब।11मारदे हना मेकोमी आ स्वर्ग ङा गेय पाइब आन कली इ लां नेल्लेमी इ कली वारच पपाइक्ब। मत्ती ४:६12मेकोपुकीमी इ कली आन गुइ गुइम ताक्शा कुरनीम। इ खोइली फुल्लुम मथोक्पाइक्चा कली मोदेंशो पाइनीम।13गे गुप्स नु बीस पाइश्शो बुस्स दिम्नेवे। मेको बोल्यो बाक्तेक्म हना यो, मेको आन कली दिम्शा साइक्नेवे। लूका १०:१९14मिनु परमप्रभुमी “मेकोमी आं कली दाक्तीके, गो मेको कली श्येत रे प्रोंइनुङ। मेकोमी आं नें तुइक्तीके, गो मेको कली फाप्नुङ।15मेकोमी आं कली थोइब। मिनु गो आ लोव़ लेत्नुङ। मेको श्येत जवानु, गो मेको नु बाक्नुङ। मेको कली श्येत रे प्रोंइशा, मान ताइब सेल्नुङ। भजन संग्रह ५०:१५16गो मेको कली शुश ब्रोंइचा गेशा, आं प्रोंइतीके तपाइक्नुङ” दे परमप्रभुमी देंत। यसैया ५२:१०