1Muntu yina ke zingaka na kisika yina Nzambi ya Kulutila Kuzangama ke bumbamaka,yandi ke pemaka na mpewo ya Nzambi-Mpungu.2Mu me tuba na Yave: «Nge kele kiswamunu ya munu, kibaka ya lukengolo ya munu,Nzambi ya munu yina mu ke sadilaka kivuvu!»3Ya tsyelika ni yandi ke kuulaka nge na mutambu ya muntu ya mbingu,yandi ke nyakisaka nge na kiyoolo yina ke kufwaka.4Nzambi ke fuka nge na bansala ya yandi,nge ke kuzwa kiswamunu na yisi ya mapapu ya yandi.Kukwikama ya yandi ke keba nge mutindu kinwanunu ya nene yina ke kebaka ntulu.5Nge ke vwanda ve na boma ya nsisi yina lenda kumina nge na mpimpa,nge ke vwanda ve na boma ya dyonga yina ba ke losila nge na ntangu.6Nge ke vwanda ve na boma ya kiyoolo yina ke na kutambula na kitombe,nge ke vwanda ve na boma ya kiyoolo yina ke na kufwa bantu na ntangu ya midi.7Ata ti funda mosi (1 000) ya bantu kufwa na lweka ya nge ya lumosoto mafunda kumi (10 000) na lweka ya nge ya lubakala,ata mpasi mosi ve ke kumina nge.8Fungula kaka meso ya nge,nge ke tala kitumbu yina Nzambi ke pesa na bantu ya yimbi.9Ya tsyelika, nge Yave, nge kele kibumbamanu ya munu.Sala ti Nzambi ya Kulutila Kuzangama kuvwanda kiswamunu ya nge.10Ata mpasi mosi ve ke kumina nge,kiyoolo mosi ve ke belama na yinzo ya nge ya lele.11Samu ti Nzambi ke tumisa bambazi ya yandi samu na nge,samu na kukeba nge na banzila ya nge nyonso.12Bawu ke nata nge na maboko ya bawu,samu ti dikulu ya nge kututa ve ditadi.13Nge ke tambula na zulu ya nkosi mpe na zulu ya mpidi.Nge ke dyata mwana ya nkosi mpe dalango.14Nzambi tubaka: «Samu ti yandi me zola munu, mu ke kuula yandi,samu ti yandi zaba Nkumbu ya munu, mu ke keba yandi.15Yandi ke bokila munu, mpe mu ke pesa yandi mvutu,munu mosi, mu ke vwanda na yandi na ntangu ya mpasi,mu ke kuula yandi mpe mu ke sala ti yandi kuzwa nkembo.16Mu ke sala ti yandi kuvwanda na luzingu ya yinda,mu ke sala ti yandi kutala mpulusu ya munu.»