Mazamure Maxaafa
91
/
gmv_ltw
Nuna Naagiza Xoossaas Yexettida Mazamure
1
Ubbaafe Dhoqqa GODAAN
zemppi de7izay,
ubbaa dandayza
Xoossa kuwan aqees.
2
Tani GODAA,
«Neni taas zemppo,
miixanne tani nenan
ammanettiza
ta Xoossa» gaana.
3
Izi nena shankkanchchata giteppe,
wodhiza iita hargefekka
ashshana.
4
Izi ba wangotan
nena kammana;
iza qefeta garsan
neni qotetta attana;
iza ammaneteththay
nees gondallenne
zemppo gidana.
5
Neni omarsan
daganththiza miishshas,
woykko gallas xongettiza
yiishshas,
6
dhuman oykkiza harges,
woykko seeta gallassan
wursiza iita harges yayyaka.
7
Issi shii ne millesora,
qasse tammu shii neeppe
ushachcha baggara kundana;
gido attiin nena aykkoyka
bochchenna.
8
Neni ne ayfen
xeelo xalla xeellana;
iitatikka qaxxayettishin be7ana.
9
GODAA neni nees baqata attizaso,
Ubbaafe Dhoqqa Xoossa nees
zemppo histtida gishshas,
10
iita miishshi nena bochchenna;
boshaykka ne keeth shiiqenna.
11
Ne biza oge ubbaan
nena naagana mala
Xoossi ba kiitanchchata azazana.
12
Ne tohoy shuchchan
dhuphettontta mala
kiitanchchati ba kushen
nena denththana.
13
Neni gaammonne
haso shooshsha bolla hemettana;
qasseka wodalla gaammonne
iita shooshsha yedhdhana.
14
GODAY, «Izi tana siiqida gishshas
tani iza ashshana;
izi ta sunththa erida gishshas
tani iza naagana.
15
Izi tana xeygiza wode
tani izas koyana;
izi metotida wode
tani izara issife gidana;
tani iza ashshananne
bonchchana.
16
Tani iza layththaa adussana;
ta ashshizaade gididayssa
ta iza bessana» gees.
Powered by Seed Bible API
expand_more
Search
All books
Old Testament
New Testament
chevron_left
Previous Chapter
Books
search
Search
explore
Discover
share
Share
chevron_right
Next Chapter