Mazimuriyaa91dwr_ltw

S'oossay Nuuna Naagiyaawaa

1Ubbaappe D'ok'k'iyaa S'oossan naagettiide de'iyaawe,Ubbaappe Wolk'k'aama S'oossaa kuwaa giddon ak'ee;2Med'inaa Godaw,«Neeni taw geessuwaanne bak'ata attiyaa sa'aa;neeni taani ammanitsiyaa ta S'oossaa» yaagana.3I neena shankkanchchatuwaa gitiyaappekka,wod'i wurssiyaa iita harggiyaappekka ashshana.4I bare baalletuwaan neena kammana;Aa k'efetuwaa garssa neeni bak'ataade k'osetta attana.Aa ammanettussay new gonddalle.5Neeni k'amma dagantsiyaabaw,woy gallassi s'onggettiyaabaw yayakka;6woy d'uman oyk'k'iyaa harggiyaw,woy gallassaa seetan wurssiyaa iita harggiyaa hirggakka.
7Sha"ay ne miyyiyaan,k'ay tammu sha"ay neeppe ushechcha baggana kunddana;shin neena ayaynne bochchenna.8Neeni ne ayifiyaa s'alalaan s'eelana;iitatuu murettiyaawaakka be'ana.
9Med'inaa Godaa neeni new bak'ata attiyaa sa'aa ootseedda dirawunne,Ubbaappe D'ok'k'iyaa S'oossaa new,de'iyaa sa'aa ootseedda diraw,10iitabay neena bochchenna;boshaykka ne golliyaa shiik'enna.11Ayaw gooppe, ne ogiyaan ubbaanneena naagana mala,S'oossay bare kiitanchchatuwaa azazana.12Ne gedii shuchchaan d'ubettenna mala,kiitanchchatuu barenttu kushiyan neena dentsana.13Neeni gaammuwaanne shooshshaa bollan heemettana;k'ay wodalla gaammuwaanne wod'iyaa shooshshaa neeni yed'd'ana.14Med'inaa Goday hawaadan yaagee;«I taana siik'eedda diraw,taani Aa ashshana.I ta suntsaa ereedda diraw,taani Aa naagana.15I taana s'eegiyaa wode,taani aw koyana.Metuwaan taani aanana ittippe gidana;taani Aa ashshananne bonchchana.16Taani Aa laytsaa adussaade kalissana;ta atotetsaa Aa bessana» yaagee.
expand_more
Search